એફિલ ટાવર સામે બે મહિલાઓનો વીડિયો વાયરલ થયો છે જેમાં તેઓ એકપછી એક પોતાના કોટ્સ ઉતારે છે અને છેલ્લે રેડ કલરની બિકિનીમાં જોવા મળે છે. આ વીડિયો શૂટ દરમિયાન તેમની આસપાસ ઘણી ભીડ ભેગી થતી જોવા મળે છે.
એફિલ ટાવર સામે 2 મહિલાઓનો વીડિયો વાયરલ
જાહેરમાં કપડાં ઊતારતો બનાવ્યો વીડિયો
બિકિની બિઝનેસને પ્રોમોટ કરવા કર્યું આ કામ
ફ્રાંસ: પેરિસનાં એફિલ ટાવરની સામે બ્રાઝીલની 2 ફિમેલ મોડેલનાં કપડાં ઉતારવાની ઘટનાએ ઇન્ટરનેટને હચમચાવી નાખ્યું છે. એક વીડિયો વાયરલ થયો છે જેમાં બંને મોડલ પોતાના કપડાં ઊતારીને માત્ર બિકીનીમાં દેખાય છે. ફુટેજમાં 24 વર્ષીય ગૈબ્રિએલા વર્સિયાની અને 27 વર્ષીય ગૈબિલીને પેરિસમાં સેમી ન્યૂડ્સ દેખાડતા પોલીસે તેમનો સંપર્ક કર્યો હતો.
બિકિની બિઝનેસને પ્રોમોટ કર્યું
બંને મોડલ્સ પોતાના બિકિની બિઝનેસને પ્રોમોટ કરવા માટે એફિલ ટાવર ગઇ હતી. આ મહિલાઓએ જ્યારે પોતાનો આ વીડિયો ઇન્સ્ટાગ્રામ પર મૂક્યો ત્યારે સોશિયલ મીડિયા પર ધૂમ મચી ગઇ હતી.
બંને મહિલાઓએ બ્લેક કોટ પહેર્યો હતો
વાયરલ થયેલ વીડિયોમાં બંને મહિલાઓ બ્લેક કોટમાં જોવા મળી રહી છે. તેના પછી તેમણે પોતાના આ કોટ્સને ઊતારીને છેલ્લે રેડ બિકિનીમાં જોવા મળે છે. આ ઘટના દરમિયાન તેમની આસપાસ ઘણી ભીડ લાગી ગઇ અને દૂર-દૂરથી લોકો આ દ્શ્ય જોવા ઊમટી પડ્યાં. ત્યારબાદ કેટલાક પોલીસવાળા પણ સામે આવ્યાં અને પોતાને ઢાંકવા કહ્યું.
'બિકિનીનું વિજ્ઞાપન કરી રહી હતી'
વેનેસા લોપેજ નામક એક મહિલાએ આ સમગ્ર ઘટનાની માહિતી આપતાં જણાવ્યું કે આ મહિલાઓની લગભગ ધકપકડ કરવામાં આવી છે. તેમણે કહ્યું કે આ મહિલાઓ બિકિનીનું વિજ્ઞાપન કરી રહી હતી અને તેમને કહેવામાં આવ્યું કે તેઓ આ ન કરી શકે. ત્યારબાદ જ્યારે પોલીસ ત્યાં સમજાવવા પહોંતી તો પોલીસ અધિકારીઓએ જણાવ્યું કે આ નિયમોની વિરૂદ્ધ છે અને તમે ટૂરિસ્ટ ડેસ્ટિનેશન પર સેમી ન્યૂડ ફોટોઝ ન લઇ શકો.