વુમન્સ વર્લ્ડ કપ: આજે ભારત VS ઈંગ્લેન્ડ વચ્ચે ફાઈનલ BCCI ખેલાડીઓને 50-50 લાખ આપશે

ICC વુમન્સ વર્લ્ડ કપમાં ટીમ ઇન્ડિયાની આજે ફાઇનલમાં ઇંગ્લેન્ડ સાથે ટક્કર થવાની છે. ભારતની મહિલા ક્રિકેટ ટીમે પોતાના સારા પ્રદર્શનથી સૌનું ધ્યાન ખેંચ્યું છે. તો મહિલા ક્રિકેટ ટીમમાં રહેલી મોના મેસરામે પણ સારૂ પ્રદર્શન કર્યું છે. ત્યારે મોનાના પરિવારમાં આનંદનો માહોલ છે.

મહિલા વિશ્વ કપમાં ભારતે શાનદાર પ્રદર્શન કરી ફાઈનલમાં પોતાની જગ્યા બનાવી લીધી છે. આજે ઈંગ્લેન્ડ સાથે ફાઈનલ મુકાબલો થશે. ટીમ ઈન્ડીયાએ જે રીતે સેમિફાઈનલમાં ઓસ્ટ્રેલિયાને હરાવ્યું હતું. તે જોઈ બીસીસીઆઈએ તમામ મહિલા ક્રિકેટરને 50-50 લાખ રૂપિયા આપવાની જાહેરાત કરી દીધી છે. આ સાથે સપોર્ટ સ્ટાફને પણ 25-25 લાખ રૂપિયા આપવાની વાત કરી છે. 

ઉલ્લેખનીય છે કે સેમિફાઈનલ મુકાબલામાં હરમનપ્રીતે 115 બોલમાં 20 ચોગ્ગા અને 7 છગ્ગાની મદદથી અણનમ 171 રનની પારી રમી હતી. આ સાથે કપ્તાન મિતાલીએ પણ પૂરી ટુર્નામેન્ટમાં 3 અડધી સદી અને 1 સદી ફટકારી છે. આ સાથે ભારતીય ટીમની બોલર પણ સારી પ્રદર્શન કરી રહી છે. ભારત બીજી વખત ફાઈનલમાં પહોંચ્યું છે. 2005માં પણ ફાઈનલમાં તો પહોંચ્યું હતું પરંતુ તે સમયે ઓસ્ટ્રેલિયા સામે ફાઈનલમાં હારનો સામનો કરવો પડ્યો હતો.