વાયરલ / VIDEO : 'અસલી સિંહણ' તો આ મહિલા, સિંહણના ટોળા વચ્ચે ચાલી, એકની પૂંછડી પકડી, વીડિયો જોઈને માની જશો

• સિંહણના ટોળા પાછળ ચાલી કેન્યાની મહિલા
• એક સિંહણની પૂંછડી પણ પકડી લીધી
• વીડિયો વાયરલ, લોકોએ મહિલાની હિંમતની બિરદાવી

સિંહ એટલે જંગલનો રાજા અને રાજા પાસે જવાની હિંમત મોટા મોટા પ્રાણીઓ પણ કરી શકતા નથી. બરાબરને, સિંહ જ્યારે ત્રાડ પાડે છે ત્યારે દૂર દૂર રહેલા પ્રાણીઓ પણ ફફડી ઉઠીને સાવધ થઈ જાય છે. આવા જબરા જોરવાર અને એક નહીં પણ છ-છ સિંહની સાથે દોસ્તી કરીને તેની પાછળ ચાલનાર કેન્યાની એક મહિલાનો જે વીડિયો વાયરલ થયો છે તે જોઈને તમે સ્તબ્ધ થઈ જશો. 

 

 

 

 

View this post on Instagram

 

 

 

 

 

 

 

 

 

 

 

A post shared by SAFARI GALLERY 🦁 (@safarigallery)

વાયરલ વીડિયોમાં જંગલમાં એક મહિલા 6 સિંહણની પાછળ-પાછળ જતી જોઈ શકાય છે 

વાયરલ વીડિયોમાં તમે જંગલમાં એક મહિલાને 6 સિંહણની પાછળ-પાછળ જતી જોઈ શકો છો. સિંહણ પાછળ ચાલતાં-ચાલતાં તે વીડિયો માટે ફોટોગ્રાફરને શાનદાર પોઝ પણ આપે છે. ગજબની વાત તો એ છે કે મહિલાના ચહેરા પર ડરનું કોઈ નામોનિશાન સુદ્ધાં નથી. તેના ચહેરા પર મુસ્કાન અને આત્મવિશ્વાસ છલકતો દેખાય છે અને ત્યારે તો તે ખૂબ મજાથી એક સિંહણની પૂંછડી પકડે છે, તેમ છતાં પણ સિંહણે કંઈ કર્યું નથી, એટલે માની શકાય કે આ બધી પાલતું સિંહણ હશે. 

આફ્રિકાના કેન્યાનો વીડિયો 

આ ચોંકાવનારી ક્લિપ ઈન્સ્ટાગ્રામ પર safarigallery નામના હેન્ડલથી શેર કરવામાં આવી છે. તેમના કહેવા પ્રમાણે આ વીડિયો આફ્રિકાના કેન્યાનો છે. જો કે, આ વીડિયોમાં દેખાતી મહિલા કોણ છે અને વીડિયો ક્યારે શૂટ કરવામાં આવ્યો છે તેની પુષ્ટિ થઈ નથી. પરંતુ આ ક્લિપ ઈન્ટરનેટ પર ઝડપથી ફેલાઈ રહી છે. સમાચાર લખાય છે ત્યાં સુધી તેને 1.50 લાખથી વધુ વ્યૂઝ અને 7 હજારથી વધુ લાઈક્સ મળી ચૂક્યા છે.આ અદ્ભુત નજારો જોયા પછી, ઘણા યુઝર્સે તેમના પ્રતિભાવો આપ્યા. એક વ્યક્તિએ લખ્યું કે વીડિયોગ્રાફરને ગર્વ છે! જ્યારે કેટલાકે કહ્યું કે તે અદ્ભુત સંપાદન છે. એક યુઝરે જય મા શેરાવલી પણ લખ્યું. સારું, આ દ્રશ્ય જોયા પછી તમે શું કહેવા માંગો છો? કોમેન્ટમાં જરૂર લખો.