ના હોય / બ્રેકઅપ પછી બેવફા સનમને સબક શીખવાડવા યુવતીએ કાર સાથે કર્યુ એવું કે જાણીને ચોંકી જશો

• એક જ કારે બે દિવસની અંદર 50 ટ્રાફિક નિયમો તોડ્યા
• મહિલા પોતાના એક્સ બોયફ્રેન્ડ સાથે બદલો લેવા માંગતી હતી
• પોતાના એક્સ બોયફ્રેન્ડની ગાડી રેન્ટ પર લીધી હતી 

પૂર્વ ચીનમાં ટ્રાફિક પ્રસાશન ત્યારે હરકતમાં આવ્યું જ્યારે એક જ કારે બે દિવસની અંદર 50 ટ્રાફિક નિયમો તોડ્યા. તેમાં 49 વખત રેડ સિગ્નલ તોડવામાં આવ્યા અને એક વખત ઓવરસ્પીડનો મામલો સામે આવ્યો હતો. જોકે પોલીસ સામે એ વાતનો ખુલાસો થયો કે આ ટ્રાફિક નિયમોનો ભંગ માલિક દ્વારા નહીં પરંતુ તેની એક્સ ગર્લફ્રેન્ડ દ્વારા કરવામાં આવ્યા છે.  

એક્સ બોયફ્રેન્ડ સાથે બદલો લેવા કરી આવી હરકત
હકીકતે આ ચીની મહિલા પોતાના એક્સ બોયફ્રેન્ડ સાથે બદલો લેવા માંગતી હતી. જેના કારણે તેણે આ અનોખી રીત શોધી કાઠી હતી. લૂ નામની આ મહિલા એક મિડિલમેનની મદદથી પોતાના એક્સ બોયફ્રેન્ડની કારને ભાડે લીધી હતી અને ત્યાર બાદ ચીનના જ્હેજીયાંગ પ્રાંતમાં આ ગાડીને આમ તેમ દોડાવી હતી. 

પોલીસ તપાસ દરમિયાન ઓડી સેડાનના માલિક કિયાન પાસે પુછપરછ કરવામાં આવી. આ પુછપરછમાં સામે આવ્યું કે તેણે પોતાની કારને ભાડે આપી હતી. પોલીસને આ ઉપરાંત એ પણ ખબર પડી કે તે એક સમયે લૂને પણ ડેટ કરી રહ્યો હતો. 

બન્નેના સંબંધ બગડ્યા પછી લીધો આવો નિર્ણય 
હકીકતે લૂ કિયાનની હરકતોથી ખૂબ નારાજ હતી. તે ઘણી વખત યુવતીઓની સાથે સોશિયલ મીડિયા પર પોતાની તસ્વીરો મુકતો હતો અને લૂને ઈગ્નોર પણ કરવા લાગ્યો હતો. ત્યાર બાદથી જ લૂએ કિયાન પાસે ખૂબ અજીબ રીતે બદલો લેવાનો નિર્ણય કર્યો હતો. 

લૂ જાણતી હતી કે જ્હૂ નામનો વ્યક્તિ તેને પસંદ કરે છે. લૂએ કહ્યું કે જો તે કિયાનની ગાડી રેન્ટ પર લાવવામાં સફળ થઈ જશે તો તે તેને ડેટ કરશે. ત્યાર બાદથી જ જ્હૂએ કિયાનની ગાડીને રેન્ટ પર લાવવાના પ્રયત્નો શરૂ કરી દીધા. 

પોલીસ તપાસમાં ખુલાસો 
પોલીસે ત્યાર બાદ વીડિયો ફૂટેજ તપાસ કર્યા અને આ વીડિયોમાં સામે આવ્યું હતું કે ટ્રાફિક નિયમો તોડતી વખતે મહિલા જ્હૂ નામના વ્યક્તિ સાથે બેઠેલી હતી. પોલીસે ત્યાર બાદ લૂ અને તેમના મિત્રોની તપાસ કરવાનું શરૂ કરી દીધી હતું. આ ઘટનામાં સામે આવ્યા બાદ પોલીસે લૂ અને તેના સાથીને અરેસ્ટ કરી લીધી છે. સોશિયલ મીડિયા પર પણ આ ઘટના ખૂબ વાયરલ થઈ રહી છે.