OMG / મોત બાદ શરીરનું આ અંગ તોડીને પાસે રાખી લે છે અહીંના લોકો, અજીબ પરંપરા વિશે જાણોને ચોંકી ઉઠશો

• દુનિયામાં અલગ અલગ હોય છે પરંપરાઓ 
• આ પરંપરા વિશે જાણીને ચોંકી ઉઠશો 
• મોત બાદ શરીરનું અંગ તોડી લે છે પરિજનો 

દુનિયામાં દરેક ખૂણે અલગ અલગ પરંપરાઓ નિભાવવામાં આવે છે. ક્યાંક લગ્નમાં દુલ્હનના કપડા ઉતારવાનો રિવાજ હોય છે તો ક્યાંક લગ્ન પહેલા એક મહિના સુધી મહિલાઓને રોજ એક કલાક રોવાની પરંપરા નિભાવવામાં આવે છે. આજે અમે તમને એક એવી જ અજીબોગરીબ પરંપરા વિશે જણાવવા જઈ રહ્યા છીએ જેને સાંભળીને તમે ચોંકી ઉઠશો. 

મોત બાદ તોડી દે છે આ અંગ 
જ્યારે પરિવારમાં કોઈનું મોત થઈ જાય તો લોકો પોતાની રીતે શોક રાખે છે. આ ખૂબ જ સ્વાભાવિક છે. કોઈ રોઈને દુખ વ્યક્ત કરે છે તો ઘણા લોકો મરનાર વ્યક્તિની યાદમાં સમાજમાં કંઈ સારૂ કાર્ય કરે છે. પરંતુ તમને એ જાણીને નવાઈ લાગશે કે દુનિયામાં અમુક લોકો એવા પણ છે જે મરનાર વ્યક્તિના દાંત તોડીને પોતાની પાસે રાખવાની પરંપરા નિભાવે છે. 

મહિલાની 'ડેથ ટીથ સ્ટોરી'
જી હાં, DeathTeethStory નામની એક મહિલાએ આ અનોખી પરંપરાની કહાની શેર કરી છે અને લોકો પાસે તેને લઈને મંતવ્યો માંગ્યા છે. એક રિપોર્ટ અનુસાર મહિલાએ લખ્યું, 'મારા પતિના પરિવારમાં મૃત્યુ અને અંત્યેષ્ટિને લઈને એક અજીબ પરંપરા નિભાવવામાં આવે છે. તે યુકેના વેલ્સ શહેરમાં રહે છે. તેમના પરિવારમાં મરનાર વ્યક્તિના દાંત તોડીને હંમેશા માટે પોતાની પાસે રાખવાની પરંપરા છે. '

કોને મળે છે કયા દાંત?
મહિલાએ જણાવ્યું કે તેમના પતિના પરિવારમાં જ્યારે પણ કોઈનું મોત થઈ જાય છે તો તેના અંતિમ સંસ્કાર પહેલા તેના દાંત તોડી નાખવામાં આવે છે. પછી તે દાંત મૃતકના નજીકના સંબંધિઓમાં વહેચી દેવામાં આવે છે. જે મૃતકને જેટલું વધારે પ્રિય હોય છે તેને તેના હિસાબથી દાંત મળે છે. આટલું જ નહીં મૃતક વ્યક્તિને પોતાના જીવનકાળમાં જેટલા પણ દાંત એકત્ર કર્યા હોય તે દાંતોનું તેમની સાથે જ અંતિમ સંસ્કાર કરવામાં આવે છે.  

જ્યારે મહિલાએ દાંત રાખવાથી કર્યો ઈનકાર 
મહિલાએ જણાવ્યું કે તેને આ પરંપરા વિશે ત્યારે ખબર પડી જ્યારે તેના પતિના દાદીનું નિધન થયું અને તેના સાસુએ તેને એક કપડાંની પોટલીમાં તેમનો એક દાંત તેને આપ્યો. મહિલાએ જ્યારે તેની પાસે દાંત રાખવાનો ઈનકાર કરી દીધો તો તેના પતિ તેનાથી નારાજ થઈ ગયા. 

મહિલાએ કહ્યું કે હું મૃત પામેલા વ્યક્તિનો દાંત મારી પાસે રાખવા નથી માંગતી અને સાથે જ એવું પણ નથી ઈચ્છતી કે કોઈ મારા મૃત્યુ બાદ મારા દાંત તોડી નાખે. મહિલાનું કહેવું છે કે તેના પતિનો પરિવાર ખૂબ જ મસ્ત છે પરંતુ તેમની આ વિધિ ખૂબ જ અજીબ છે અને તે તેને ફોલો કરવા નથી માંગતી.