પહેલા લોકો કોઈ બિમારીની સારવાર કરાવવા માટે અમેરિકા કે યુરોપ જતાં હતાં. હવે ઉલ્ટીગંગા વહેવા લાગી છે. અમેરિકાથી લોકો સારવાર માટે ભારતમાં આવી રહ્યા છે.
મોટા ભાગે પૈસે ટકે સુખી લોકો બિમાર થતાં વિદેશમા સારવાર લેવા જાય છે
પણ ભારતમાં હવે સ્વાસ્થ્ય સુવિધાઓમાં જબરદસ્ત વિકાસ થયો છે
અમેરિકામાંથી દિકરાઓ મમ્મીની સારવાર માટે ભારત લઈ આવ્યા
ભારત બદલાઈ રહ્યું છે, તે દરેક સેક્ટરમાં દેખાઈ રહ્યું છે. હેલ્થ સેક્ટરમાં પણ સારો એવો વિકાસ થયો છે. પહેલા લોકો કોઈ બિમારીની સારવાર કરાવવા માટે અમેરિકા કે યુરોપ જતાં હતાં. હવે ઉલ્ટીગંગા વહેવા લાગી છે. અમેરિકાથી લોકો સારવાર માટે ભારતમાં આવી રહ્યા છે. ગત મંગળવારે કંઈક આવુ જ થયું હતું. બેંગલુરુની એક 67 વર્ષિ મહિલા અમેરિકાના પોર્ટલેન્ડથી ચેન્નઈ પહોંચી હતી. તેમને હ્દયની બિમારી હતી. એર એમ્બ્યુલન્સ ફ્લાઈટમાં અમેરિકાથી ભારત આવતા તેમને 26 કલાકનો સમય લાગ્યો. મહિલાના દિકરાઓ અમેરિકી સારવારથી સંતુષ્ટ નહોતા, તેમણે 1 કરોડથી વધારેનો ખર્ચ કરીને માતાને ભારતમાં મોકલ્યા.
અમેરિકામાં બાળકો સાથે રહે છે મહિલા
તાજેતરના કિસ્સામાં મહિલાને ભારત લાવવા માટે 1,33,000 ડોલર એટલે કે 1 કરોડથી પણ વધારે રૂપિયાનો ખર્ચ આવ્યો. તેમાં સુપર મિડસાઈઝ જેટ પણ સામેલ છે. દર્દીની હાલત જોતા તેમાં સામેલ કરવામાં આવ્યા હતા. હાલમાં મહિલાની હાર્ટ સર્જરીની તૈયારી ચાલી રહી છે. દર્દી ઈંદિરાનગરની રહેવાસી છે. તે ઓરેગોનમાં છેલ્લા કેટલાય વર્ષોથી બાળકો સાથે રહે છે. આ દરમિયાન તેમને હ્દયની બિમારી થઈ, બાદમાં તેમણે અમેરિકામાં ખૂબ સારવાર કરાવી.
ફ્લાઈંગ આઈસીયૂમાં રાખવામાં આવ્યા
એર એમ્બ્યુલન્સ સર્વિસ ફર્મ આઈસીએટીટીના સહ સંસ્થાપક અને ડાયરેક્ટર ડો. શાલિની નલવાડે જણાવ્યું કે, મહિલાના પરિવારે અનુભવાય રહ્યું હતુ કે, અમેરિકામાં મળતી હેલ્થ સર્વિસ તેમના માટે પુરતી નથી, તેથી સૌથી લાંબા એરલિફ્ટની શરૂઆત રવિવાર સવારે ઓરેગોનના પોર્ટલેન્ડથી થઈ હતી. તેને લીગેસી ગુડ સમેરિટન મેડિકલ સેન્ટરથી પોર્ટલેન્ડ ઈંટરનેશનલ એરપોર્ટ પર શિફ્ટ કરવામાં આવ્યા. તેમને ફ્લાઈંગ ઈંટેંસિવ કેયર યુનિટમાં રાખવામાં આવ્યા હતા.
3 ડોક્ટર અને 2 પૈરામેડિક સ્ટાફની દેખરેખ હેઠળ
ફ્લાઈંગ આઈસીયૂમાં ત્રણ ડોક્ટર અને બે પેરામેડિકની ટીમ હતી. તેઓ સતત દર્દીની દેખરેખ રાખી રહ્યા હતા. સાડા સાત કલાકમાં તેમને રેકજાવિક એરપોર્ટ લાવામાં આવ્યા. એરક્રાફ્ટમાં ઈંધણ ભરાવવા માટે તેને રોકવામાં આવ્યું. આઈસલેન્ડની રાજધાની રેકજાવિકથી ચેલેન્જર ઉડીને છ કલાકમાં તુર્કીના ઈસ્તાનબુલ પહોંચ્યું. અહીં મેડિકલ અને એવિએશન ક્રુને રિપ્લેસ કરવામાં આવ્યું. તેમાં ફક્ત બેંગલુરુના તે ડોક્ટર જ નહીં બદલવામા ન આવ્યા જેઓ દર્દીની દેખરેખ રાખવા માટે અમેરિકા ગયા હતા.
દર્દીને અપોલો હોસ્પિટલમાં ભરતી કરવામાં આવ્યા
તુર્કીમાં ર્દીને એક અન્ય ચેલેન્ડર 6052માં શિફ્ટ કર્યા, તેમને ચાર કલાકમાં દિયારબકિર એરપોર્ટ પર લાવવામાં આવ્યા. અંતિમ પડાવમાં દિયારબકિર એરપોર્ટથી દર્દીને મંગળવારે સવારે 2.10 કલાકે ચેન્નઈ પહોંચાડ્યા. ઈમીગ્રેશન સાથે જોડાયેલી ઔપચારિકતા પુરી કર્યા બાદ મહિલાને તાત્કાલિક અપોલો હોસ્પિટલમાં ભરતી કરવામાં આવ્યા. ડો. શાલિની નલવાડે જણાવ્યુ કે, ્અમેરિકામાં ટ્રીટમેંટ પીરિયડ લાંબો ્અને ખર્ચીલો હતો. ભારતમાં મહિલાને લાવવામાં જે ખર્ચો થયો તેના કરતા ક્યાં વધારે ખર્ચો થાત.