રોચક કિસ્સો / સાસુના પેટમાં ઉછરી રહ્યું છે જમાઈનું બાળક, પુત્રીને સંતાનસુખ આપવા માતાએ જુઓ શું કર્યું

• અમેરિકાના ઉટાહ રાજ્યની ઘટના
• 50 વર્ષીય એલિસ સ્મિથે ગર્ભવતી
• જમાઈ અને દીકરીના બાળકને પેટમાં ઉછેરી રહી છે 

નિસંતાન લોકો માટે આજના યુગમાં સરોગેસી (બીજાનું બાળક ગર્ભમાં ઉછેરવું) એક આશાનું કિરણ બની ચૂકી છે. પતિ કે પત્ની શરીરની કોઈ બીમારી કે નબળાઈને કારણે કુદરતી રીતે સંતાન પેદા કરી શકતા નથી તેઓ સરોગેસી દ્વારા બાળક પેદા કરીને સંતાનસુખ મેળવી શકે છે.

50 વર્ષીય એલિસ સ્મિથ દીકરી અને જમાઈની સરોગેટ મધર બની 
અમેરિકાના ઉટાહ રાજ્યમાં 50 વર્ષીય એલિસ સ્મિથે  દીકરી અને જમાઈની સરોગેટ મધર બની છે જેથી કરીને દીકરી અને જમાઈને સંતાન સુખ મળી રહે.  એલિસની 24 વર્ષીય દીકરી માતા બની શકે તેવી હાલતમાં નથી,આથી તેણે આ અંગે માતા એલિસને વાત કરી હતી. એલિસને પણ દીકરીની વાત બરોબર લાગી અને તે જમાઈ અને દીકરીના બાળકની માતા બનવા તૈયાર થઈ હતી. આ પછી સ્મિતે આઈવીએફ દ્વારા દીકરી અને જમાઈનું બાળક પોતાના ગર્ભમાં મૂક્યુ હતું અને હાલમાં તે ગર્ભવતી છે. એલિસ મે મહિનામાં દીકરીના બાળકને જન્મ આપશે. 

પચાસ વર્ષની એલિસને પહેલેથી જ આઠ બાળકો
પચાસ વર્ષની એલિસને પહેલેથી જ આઠ બાળકો છે. પરંતુ જ્યારે તેણે જોયું કે મુશ્કેલીના કારણે પોતાની દીકરી માતા બની શકી નથી, ત્યારે તેણે મમતાની ફરજ નિભાવી અને પોતાની જ દીકરીના બાળકને ગર્ભમાં ઉછેર્યું. કૈટલીન પોતે ટેક્સાસમાં રહે છે. 2019માં તેમને આ બીમારી હોવાનું નિદાન થયું હતું. આવામાં શરીર તેની અંદર રહેલી કોઈપણ પ્રકારની બાહ્ય વસ્તુને દૂર કરે છે. આ કારણે બાળક પોતાના ગર્ભમાં રહી શકતું ન હતું.

જમાઈએ કહ્યું આભાર
કેટેલીનનો પતિ પણ તેની સાસુના બાળકની સરોગેટ બનવાના નિર્ણયથી ખૂબ જ ખુશ છે. બંને સાથે મળીને એલિસનું ધ્યાન રાખે છે. ઉટાહમાં રહેતી એલિસ ત્યાં ખેતી કરે છે. પરંતુ દીકરીની ખુશી માટે તેણે પચાસ વર્ષની ઉંમરે ફરી ગર્ભવતી થવાનું નક્કી કર્યું. કેટલિનને હંમેશાં એક મોટું કુટુંબ જોઈતું હતું. પરંતુ આ બીમારીના કારણે તે દીકરા બાદ ફરી પ્રેગ્નેન્ટ થઇ શકી ન હતી. પરંતુ હવે માતાની મદદથી તે પોતાના પરિવારનો ઉછેર કરી રહી છે.