આંખ ઉઘાડતો કિસ્સો / બેડરુમ લાઈફને રોમાંચક બનાવવા પોર્ન જોતા લોકો ચેતી જજો, પત્નીથી થઈ મોટી ભૂલ, જિંદગી થઈ બર્બાદ

• મહિલાની આપવિતી
• પોર્નને કારણે તબાહ થઈ જિંદગી
• હિંસક હરકતો નોર્મલ સમજવા લાગી હતી-મહિલા

કેટલાક લોકોને પોર્ન જોવાની એટલી લત હોય છે કે તેઓ તેના વિના જીવી શકતા નથી. આ આદત તેમની સામાન્ય દિનચર્યામાં પણ સામેલ થઈ જતી હોય છે.  કેટલાક લોકો આ આદતની પકડમાં એટલી હદે ચડી જાય છે કે તેઓ ઇચ્છે તો પણ તેનાથી છૂટકારો મેળવી શકતા નથી. આ આદતને કારણે ઘણા લોકોનું જીવન બગડ્યું છે. 

 બેડરુમ લાઈફને રોમાંચક બનાવવા માટે પોર્ન જોવાનું શરુ કર્યું, ઊંડે ઊંડે ફસાતી ગઈ-મહિલા
 એક પોર્ન એડિક્ટ મહિલાએ આવી જ એક કહાની શેર કરી છે. મહિલાએ સોશિયલ મીડિયા પરની પોતાની પોસ્ટમાં લખ્યું કે પોર્ન જોવાની આદતે તેની સેક્સ લાઈફ બર્બાદ કરી નાખી છે.મહિલાએ લખ્યું કે બેડરુમ લાઈફને રોમાંચક બનાવવા માટે મેં પોર્ન જોવાનું શરુ કર્યું હું મારા પાર્ટનર સાથે સેક્સનો સારો અનુભવ લેવા માગતી હતી અને હું પોર્ન વેબસાઈટ સર્ચ કરવા લાગી હતી. મને ઘણા ઓપ્શન હાથ લાગ્યા હતા. કેટલાક વીડિયો પણ જોયા. 

પોર્ન વીડિયોમાં પાર્ટનર જે કરતી તેવી આશા  મારા પાર્ટનર પાસેથી રાખતી 

હું એવી વસ્તુઓ શોધી રહી હતી જે કદાચ મને ન ગમતી હોય પણ 'કૂલ' ગણવી જોઈએ. હું ખરીદી કરતી વખતે જે રીતે અનુભવું છું તે જ રીતે હું શારીરિક સુખનો આનંદ માણવા માંગતી હતી. હું મારા પાર્ટનરને ઈમ્પ્રેસ કરવા માટે આવા મૂવ્સ કરવા માંગતી હતી. પોર્ન જોઈને મને લાગ્યું કે સેક્સ દરમિયાન મારો પાર્ટનર મારી સાથે ગમે તેવો વ્યવહાર કરે, ભલે તે હિંસક હોય, પરંતુ મારે તેને શાંતિથી સ્વીકારવું પડશે. મારે એમ ન કહેવું જોઈએ કે મને તેનું આ વર્તન પસંદ નથી. 

પોર્ન જોવાને કારણે મહિલાએ શું ગુમાવ્યું, કર્યો આ ખુલાસો 
'જ્યારે મેં પહેલીવાર સંબંધ બાંધ્યો ત્યારે હું મારા પાર્ટનરને એવી કોઈ હરકતો કરવા માટે મનાવી શકી નહોતી જે મને પસંદ ન હોય. કદાચ તે મારા પર પોર્નની અસર હતી. મને મારી જાત પર ગુસ્સો આવવા લાગ્યો હતો કે મેં આ વસ્તુઓને સામાન્ય કેવી રીતે લેવાનું શરૂ કર્યું છે. મહિલાએ લખ્યું કે પોર્ન જોવાના કારણે હું સેક્સ માણવાનું ભૂલી ગઈ હતી અને તેને કારણે મારી જિંદગી બર્બાદ થઈ ગઈ હતી. થોડા સમય પછી મને સમજાયું કે હું પોર્નમાંથી કોઈ પોઝિશન શીખી નથી, પરંતુ માત્ર એટલું જાણું છું કે પુરુષો મારી સાથે જે કંઈ કરે તે મારે સ્વીકારવું પડશે. હું બતાવવા માંગુ છું કે હું તેની દરેક હરકતો માણી રહી છું. લોકો આત્મીયતાને કેવી રીતે લે છે તે દરેકનો અંગત અનુભવ છે, પરંતુ જ્યાં સુધી પોર્નના સેક્સ કલ્ચરનો સવાલ છે, મને તે ખતરનાક લાગ્યું. મને સમજાયું કે આ બધી હિંસક પ્રવૃત્તિઓ જીવલેણ પણ હોઈ શકે છે. તેની અસર મારા મન પર થવા લાગી હતી.

ઘણા વર્ષો સુધી મારા પર પોર્નની અસર રહી 
મહિલાએ લખ્યું કે 'મારા પર પોર્નની અસર થોડા વર્ષો સુધી રહી. આના કારણે હું ખૂબ જ અસુરક્ષિત અનુભવવા લાગી હતી. કારણ કે હું કોઈપણ હિંસાનો પ્રતિકાર કરી શકતી નહોતી. પોર્ન વીડિયોને કારણે મારુ જીવન વધુ ખરાબ થઈ રહી હતી.  મેં મારા કોઈ મિત્રને ક્યારેય કહ્યું નથી કે મને પોર્ન જોવાનું વ્યસન છે.