રશિયા અને યુક્રેન વચ્ચે ચાલી રહ્યો છે જંગ, આ જંગના કારણે લાખો લોકોએ યુક્રેન છોડી દીધું છે. જો કે, તેમ છતાં પણ યુક્રેનના નાગરિકોમાં હાર કે ડરનો ઓછાયો દેખાતો નથી.
રશિયાએ કર્યું છે યુક્રેન પર આક્રમણ
આક્રમણના કારણે દેશ છોડી રહ્યા છે લોકો
રેલ્વે સ્ટેશન પર અસંખ્ય લોકોની ભીડ જામી
રશિયા અને યુક્રેનના અગિયારમાં દિવસે પણ હાલત બદથી બદતર થતી જાય છે. રશિયાની સેનાએ ભારે બોમ્બ બ્લાસ્ટ કરવાના કારણે યુક્રેની પરિવારના સભ્યો એકબીજાથી વિખૂટા પડવા લાગ્યા છે. મોટી સંખ્યામાં યુક્રેની મહિલા, બાળકો અને વૃદ્ધો સુરક્ષિત બચવા માટે પાડોશી દેશોમાં શરણ લઈ રહ્યા છે.
યુદ્ધના કારણે તબાહ થઈ ચુકેલ યુક્રેનની ભયાનક તસ્વીરો જોઈને સમગ્ર દુનિયામાં હાહાકાર મચી ગયો છે. રશિયાના રાષ્ટ્રપતિ વ્લાદિમીર પુતિનના ફક્ત એક નિર્ણયથી દુનિયામાં અફરાતફરીનો માહોલ બની ગયો છે.
Outside Lviv station, which is thronging with exhausted refugees fleeing war in eastern Ukraine, an accomplished pianist is playing “What a Wonderful World.” It’s hauntingly beautiful. pic.twitter.com/Xm5itr8jl7
આ તમામની વચ્ચે સોશિયલ મીડિયા યુક્રેનના લવિવિ રેલ્વે સ્ટેશન પર પિયાનો વગાડતી એક મહિલાના વીડિયોથી આશા બંધાઈ છે કે, યુદ્ધની દર્દભરી સ્થિતિ વચ્ચે કંઈક તો સુખદ અનુભવ જોવા મળી રહ્યો છે.
સોશિયલ પ્લેટફોર્મ ટ્વિટર પર શેર કરવામાં આવેલા પિયાનો વગાડતી આ મહિલાનો વીડિયો ખૂબ વાયરલ થઈ રહ્યો છે. આ મહિલા લુઈ આર્મસ્ટ્રોંગના પિયાનોની ધૂન પર વ્હાઈટ એન્ડ વંડરફુલ વર્લ્ડ વગાડતી જોઈ શકાય છે. તો વળી વીડિયોના બેક ગ્રાઉંડમાં ડરેલા અને ચિંતિત લોકોએ આ વીડિયોને ખૂબ ઈમોશનલ બનાવી દીધો છે.
ટ્વિટર પર શેર કરવામાં આવેલો આ વીડિયો 41 સેકન્ડનો છે. જે અત્યાર સુધીમાં લગભગ 2.5 મિલિયન લોકોએ જોયો છે. યુદ્ધની વિભિષિકા વચ્ચે પિયાનોનો આ વીડિયો જેમ્સ કૈમરૂનની ફિલ્મ ટાઈટેનિકનું એ દ્રશ્ય યાદ આવી રહ્યું છે, જેમાં જહાજ ડૂબવાના સમયે આર્કેસ્ટ્રા બેંડ મ્યૂઝિક વગાડતા હોય છે.
તેની સાથે જ ઓસ્કર વિજેતા રોમન પોલાન્સ્કીની ખ્યાતનામ ફિલ્મ દ પિયાનિસ્ટનો પ્લોટ પણ કંઈક આવો જ છે. જેમાં દ્વિતિય વિશ્વ યુદ્ધમાં મળેલો જખ્મોને પડદા પર ઉતારવામાં આવ્યા છે.