ન્યૂઝીલેંડમાં એક મહિલા 40 વર્ષ કરતા પણ વધારેની ઉંમરે માં બનવા માંગતી હતી અને આ માટે તેણે પોતાના એક્સ બોયફ્રેન્ડને કોલ કરીને પિતા બનવાની ઓફર આપી. જાણો પછી શું થયું.
40 વર્ષ કરતા પણ વધારેની ઉંમરે મહિલા બનવા માંગતી હતી માં
એક્સ બોયફ્રેન્ડને ફોન કરીને આપી પિતા બનવાની ઓફર
2018માં આપ્યો દીકરીને જન્મ
20 વર્ષ બાદ મહિલાએ કર્યો એક્સ બોયફ્રેન્ડને મેસેજ
મોટેભાગે ફિલ્મોમાં અને રિયલ લાઈફમાં પણ આપણે જોઈએ છીએ કે બ્રેક અપ બાદ લોકો એકબીજાનો ચહેરો પણ જોવા નથી માંગતા. આવામાં એક ચોંકાવનાર મામલો ત્યારે સામે આવ્યો જ્યારે એક મહિલાએ પોતાના એક્સ બોયફ્રેન્ડ સાથે 20 વર્ષ બાદ કરી અને સીધી પોતાના બાળકોનાં પિતા બનાની ઓફર આપી દીધી. આ મહિલાએ પોતે પોતાની આપવીતી મીડિયા સાથે શેર કરી છે. જ્યાર બાદથી તે ચર્ચામાં આવી છે.
માં બનવા માંગતી હતી મહિલા
ન્યૂઝીલેંડની રહેવાસી 45 વર્ષની રેનીની આ વાર્તા છે. તેમના લગ્ન લગભગ 5 વર્ષ પહેલા તૂટી ગયા હતા, જ્યાર બાદ તે પોતાના એક બાળકને જન્મ આપવા માંગતી હતી. બાળક માટે તે સ્પર્મ ખરીદવાનું વિચારી રહી હતી, પરંતુ તેની આર્થિક સ્થિતિનાં હિસાબે તે ઘણું મોંઘુ હતું. પછી તેણે પોતાના એક્સ બોયફ્રેન્ડને ફોન કરવાનો નિર્ણય લીધો. આ નિર્ણય લીધા બાદ તેણે પોતાના એક્સ બોયફ્રેન્ડનો 20 વર્ષ બાદ સંપર્ક કર્યો હતો. તે પોતાના એક્સને એક વચન યાદ અપાવવા માંગતી હતી.
બાળક પેદા કરવામાં મદદનું આપ્યું હતું વચન
રેનીએ જણાવ્યું કે તે 20 વર્ષ બાદ પોતાના એક્સે આપેલું એક વચન યાદ કરી રહી હતી અને તેને પણ યાદ અપાવવા માંગતી હતી. રેની endometriosis નામની એક બીમારીથી ઝઝૂમી રહી હતી, જેને કારણે તે માં બની શકે તેમ ન હતી. આ દરમિયાન તેના બોયફ્રેન્ડે વચન આપ્યું હતું કે તે તેને માં બનવા માટે બધા પ્રકારે મદદ કરશે.
કેમ થયા હતા બંને અલગ?
રેનીએ જણાવ્યું કે તે પોતાના એક્સને 21 વર્ષની ઉંમરે મળી હતી. ત્યારે બંને લંડનમાં રહેતા હતા. આ દરમિયાન, તે ડેમિયનનાં પ્રેમમાં પડી હતી. તેણે જણાવ્યું કે અમે બંને બે વર્ષો સુધી સાથે હતા. અમે ખુશ હતા પણ ફ્યુચર પ્લાન્સને કારણે અમારે બ્રેક અપ કરવો પડ્યો હતો.
કોલ કરીને શું બોલી રેની?
રેનીએ બોયફ્રેન્ડને કોલ કર્યો અને પૂછ્યું કે શું તે પોતાના બાળકનાં પિતા બનવા માટે સ્પર્મ ડોનેટ કરવા માંગશે? આ વાત સાંભળીને તેના એક્સ બોયફ્રેન્ડે હસીને કહ્યું કે તેનું 9 મહિના સુધી ધ્યાન પણ રાખશે. તમને જાણીને નવાઈ લાગશે કે ડેમિયનને પણ પોતાનું વચન યાદ હતું અને તે પણ આ દરમિયાન લગ્ન બાદ ડિવોર્સ લઇ ચુક્યા હતા અને સિંગલ હતા. તેમનો આ જવાબ સાંભળીને રેની ચોંકી ગઈ.
2018માં આપ્યો દીકરીને જન્મ
ત્યાર બાદ IVF પદ્ધતિથી ઈલાજ બાદ રેનીએ જુલાઈ, 2018માં એક દીકરીને જન્મ આપ્યો હતો. જ્યારે તે 12 અઠવાડિયા પ્રેગ્નન્ટ હતી, ત્યારથી જ ડેમિયન તેની સાથે રહેવા લાગ્યો હતો. પછી ડેમિયને તેને પ્રપોઝ પણ કર્યું અને રેનીએ જણાવ્યું કે સ્પર્મ ડોનેટ કરનાર વ્યક્તિ જ હવે મારો પતિ છે.