દુનિયામાં લોકો અલગ-અલગ બિમારીઓથી પીડાતા હોય છે ત્યારે એક અજીબ મામલો એવો સામે આવ્યો છે કે, એક મહિલા છેલ્લા 1460 દિવસથી ઊંઘી નથી.
દૂર્લભ બીમારીથી પીડાઈ રહી છે પોલેન્ડની મહિલા
4 વર્ષથી(1460 દિવસથી) ઊંઘી જ નથી
ડોક્ટર પણ પડી ગયા વિચારમાં
39 વર્ષીય મહિલાનું કહેવું છે કે,તેણી છેલ્લા 4 વર્ષથી(1460 દિવસથી) ઊંઘી જ નથી. આ એક દૂર્લભ બીમારી છે, જે સોમનિફોબિયા તરીકે જાણીતી છે. આ બીમારી થયાં બાદ વ્યક્તિને ઊંઘ નથી આવતી. જો કે, એક ચોંકાવનારી બાબત એવી છે કે, લાખો રૂપિયા ખર્ચ કરતા પણ આ બીમારીમાંથી મુક્ત થવુ અઘરું છે.
પોલેન્ડની મહિલા બની વિચિત્ર બીમારીનો ભોગ
ધ સનના અહેવાલ પ્રમાણે, મહિલાનું નામ માલગોરજાટા સ્લિવિંસ્કા છે, જે પોલેન્ડની રહેવાસી છે, માલગોરઝાટાનું કહેવું છે કે, લોકોને જ્યારે રાત્રે ઊંઘ ન આવે તો હાલ બેહાલ થઈ જતાં હોય છે ત્યારે હું છેલ્લા કેટલાય સમયગાળાથી ઊંઘી શકી નથી.
માલગોરઝાટાનું કહેવું છે કે, ઊંઘ નહીં થવાને કારણે માથામાં સતત દુખાવો રહ્યા કરે છે અને આંખો પણ શુષ્ક થઈ જાય છે. એવું લાગે કે જાણે આંખોમાં બળતરા થઈ રહી છે. આ સાથે જ તેમણે કહ્યું કે, મારી સોર્ટ ટર્મ મેમરી સંપૂર્ણ રીતે નાશ પામી છે અને કોઈપણ કારણ વગર આંખોમાંથી આંસૂ વહ્યા કરે છે.
જિંદગી થઈ ગઈ બરબાદ
39 વર્ષીય માલગોરઝાટાએ જણાવ્યું કે, સોમનિફોબિયાને કારણે મારા શરીરમાં સતત દુખાવો રહ્યા કરે છે. ઓફિસમાં પણ લાંબી રજાઓ પાડવાને કારણે નોકરી ગુમાવવાનો વારો આવ્યો છે, જે કાઈ બચત હતી તે દવાઓ પાછળ ખર્ચાઈ ગઈ છે. પતિ અને દીકરા સાથેના સંબંધો પણ બગડવા લાગ્યા છે.
ઈલાજ બાદ હવે કેવી છે હાલત?
માલગોરઝાટા જણાવે છે કે, ઊંઘની ગોળીઓની કેટલાક કલાક અસર ચાલુ રહે છે પરંતુ તે મારા સ્વાસ્થ્યને વધુ બગાડે છે. સપ્ટેમ્બર 2018થી ફેબ્રુઆરી 2019 સુધી 6 મહિના અને ત્યારબાદ જૂન 2019થી સપ્ટેમ્બર 2019 સુધી મનોવૈજ્ઞાનિકનો સહારો લીધો. અંતે એક ડોક્ટરે તેમને ઊંઘની ગોળીઓ આપી જે અસરકારક નીવડી. પરંતુ તેનાથી તેણીને નશાની આદત પડી.