IPLIN
 

અમદાવાદ / PGમાં રહેતી યુવતીની છેડતી મામલે રાજકીય ગરમાવો, કોંગ્રેસના સરકાર પર આક્ષેપ

Team VTV 03:49 PM, 19 Jun 19
Follow us
Woman molested in sleep in PG Ahmedabad pradipsinh jadeja amit chavda

અમદાવાદના નવરંગપુરા વિસ્તારમાં PGમાં રહેતી યુવતી સાથે છેડતીની ઘટના સામે આવી છે. નવરંગપુરાના સીજી રોડ પર આવેલા કમલ ફ્લેટની આ ઘટના છે. જેમાં PGમાં સુઈ રહેલી યુવતીની છેડતી થઈ છે. આ ઘટનાને પગલે રાજ્યભરમાં ખળભળાટ મચી જવા પામ્યો છે. જો કે, આ ઘટના અંગેની જાણ પોલીસ તંત્રને થતાં પોલીસ કાફલો ઘટના સ્થળે પહોંચી આવ્યો હતો અને તપાસ હાથ ધરી હતી. 

ગૃહમંત્રી પ્રદીપસિંહ જાડેજાનું નિવેદન

 

ઉલ્લેખનીય છે કે, છેડતીની આ ઘટના 14 જૂને બની હોવાનો ખુલાસો થયો હતો, આ ઘટનાને લઇને રાજ્યના ગૃહમંત્રી પ્રદીપસિંહ જાડેજાએ નિવેદન આપ્યું હતું. તેમણે નિવેદન આપતા જણાવ્યું હતું કે,  ઘટનાની ગંભીરતાને ધ્યાને લઈ તપાસના આદેશ આપવામાં આવ્યા છે. તો આ સાથે જ તેમણે વધુમાં કહ્યું કે, સ્થાનિક પોલીસને પણ આ મામલા અંગેની કડકાઈથી તપાસ કરવા સૂચના આપવામાં આવેલ છે. 

કોંગ્રેસ પ્રદેશ પ્રમુખ અમિત ચાવડાનું નિવેદન

અમદાવાદમાં PGમાં રહેતી દીકરી પર છેડતી મામલે અમિત ચાવડાએ રાજ્ય સરકાર પર આકરા પ્રહાર કર્યા. અમિત ચાવડાએ કહ્યું કે, ગુનેગારોમાં પ્રશાસનનો કોઇ ડર નથી અને ગુજરાતમાં કાયદો અને વ્યવસ્થાની સ્થિતિ દિવસેને દિવસે કથડતી જઇ રહી છે. 

સરકાર તાત્કાલિક પગલા નહીં ભરે તો આનાથી ખરાબ દિવસો આવશે. ત્યારે કોંગ્રેસ મહિલા સેવાદળના અધ્યક્ષ પ્રગતિ આહિરે કહ્યું કે, સરકાર દ્વારા માત્ર મહિલા સુરક્ષાની વાત કરવામાં આવે છે. જાહેરાતો કરવામાં આવે છે પરંતુ સૌથી વધુ મહિલાઓ અસુરક્ષિત છે તો ગુજરાતમાં છે.

દીકરીઓની સુરક્ષા મુદ્દે VTV દ્વારા હાથ ધરાયું રિયાલિટી ચેક

એક તરફ અમદાવાદના એક PG માં યુવતીની છેડતીની ઘટના બનતા ચકચાર મચી જવા પામી છે. ત્યારે VTV દ્વારા દીકરીઓની સુરક્ષા મુદ્દે રિયાલિટી ચેક હાથ ધરવામાં આવ્યું હતું. 'દીકરી સલામત તો સમાજ સલામત' સાર્થક કરવા માટે આ મહાઝુંબેશનું આયોજન કરવામાં આવ્યું છે.  આ મહાઝુંબેશ અમદાવાદ, રાજકોટ, વડોદરા અને સુરતમાં હાથ ધરવામાં આવેલ છે. 
 

અમદાવાદ Woman molested in PG ahmedabad Pradipsinh Jadeja Amit Chavda
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ