અમદાવાદ પીજીમાં યુવતીની છેડતીની ઘટના પ્રકાશમાં આવતા ચકચાર મચી જવા પામી છે. તો આ પ્રકારની ઘટનાને પગલે દૂરથી અભ્યાસ કરવા આવતી અને પીજીમાં રહેતી અન્ય યુવતીઓ પણ ચિંતિત બની છે. જો કે, આ ઘટના અંગેની જાણ થતાં જ પોલીસ કાફલો ઘટના સ્થળે પહોંચ્યો હતો અને CCTV ફુટેજની ચકાસણી કરી હતી.
PG સંચાલકનું નિવેદન
તો આ મામલો ધ્યાનમાં આવતા જ PG ના સંચાલક પણ તાત્કાલિક અસરથી ઘટના સ્થળે દોડી આવ્યા હતા અને ઘટના અંગેની જાણકારી મેળવી હતી. PG ના સંચાલકે VTV સાથે વાતચીત કરતા કહ્યું કે, આ ઘટનાની તમામ જવાબદારી મારી છે, જે ફ્લેટમાં આ ઘટના બની ત્યાં મારા 4 ફ્લેટ છે અને છેલ્લા કેટલાય વર્ષથી હું આ વ્યવસાય સાથે જોડાયેલ છું.
આ સાથે જ તેમણે ખુલાસ કરતા એ પણ જણાવ્યું કે, PG રહેતી દિકરીને માથાનો દુ:ખાવો હોવાથી તેણીએ બારણું થોડો સમય ખુલ્લો રાખવા કેરટેકરને જણાવ્યું હતું અને રાતે તે દરવાજો બંધ કરવાનું ભૂલી જતાં આ પ્રકારની ઘટના બની હતી. આ સાથે જ તેમણે વધુમાં કહ્યું કે, મેં અરજી લખીને તૈયાર કરી છે પરંતુ હજી સુધી પોલીસ સ્ટેશને આપી નથી.
અમદાવાદ પીજીમાં યુવતીની છેડતીનો મામલો બનતા. પીજીમાં રહેતી અન્ય યુવતીઓ ચિંતિત બની છે. યુવતીઓનુ કહેવું છે કે આવી ઘટનાઓમાં પોલીસ કેમ પગલા લેતી નથી#Ahmedabad#PG#girlspic.twitter.com/pBcHI8zciR
— VTV Gujarati News and Beyond (@VtvGujarati) June 19, 2019
શું બની હતી ઘટના
અમદાવાદના નવરંગપુરા વિસ્તારમાં PGમાં રહેતી યુવતી સાથે છેડતીની ઘટના સામે આવી છે. નવરંગપુરાના સીજી રોડ પર આવેલા કમલ ફ્લેટની આ ઘટના છે. જેમાં PGમાં સુઈ રહેલી યુવતીની છેડતી થઈ છે.
હોલમાં સુતેલી યુવતીની છેડતીનો પ્રયાસ
આપને જણાવી દઇએ કે, યુવકે ઘરમાં ઘુસીને એક યુવતી સાથે શારીરિક છેડતી કરી છે. આ PGમાં 19 જેટલી યુવતીઓ રહે છે. હોલમાં સુઈ રહેલી યુવતી સાથે યુવક શારીરિક છેડતી કરી રહ્યો હતો.. તે સમયે અન્ય એક યુવતી જાગી જતાં છેડતી કરનાર શખ્સ ત્યાંથી ફરાર થઈ ગયો છે.
ઘટના CCTV માં કેદ
આ સમગ્ર મામલો CCTV કેમેરામાં કેદ થઈ ગયો છે. જેમાં એક યુવક દેખાઈ રહ્યો છે. જે યુવતીની છેડતી કરી રહ્યો છે. ત્યારે આ મામલે પોલીસે તપાસ શરૂ કરી છે. જોકે છેડતીની આ ઘટનાએ કાયદો અને વ્યવસ્થાની પોલ ખોલી દીધી છે.
પોલીસે હાથ ધરી કાર્યવાહી
સ્થાનિક પોલીસને આ ઘટના અંગેની જાણ થતાં જ ઘટના સ્થળે તેઓ દોડી આવ્યા હતા અને યુવતીની પ્રાથમિક પૂછપરછ કરીને PG માં ગોઠવવામાં આવેલા CCTVની ચકાસણી હાથ ધરી હતી.
સળગતા સવાલ હોસ્ટેલમાં દીકરીઓની સલામતીની વ્યવસ્થા કોણ કરશે?
શું PGમાં રહેતી દીકરીઓ લુખ્ખાઓને હવાલે છે?
શું શહેરોમાં નધણિયાતી રહે છે આપણી દીકરીઓ?
અમદાવાદની આ ઘટનાની PGના માલિકોએ ફરિયાદ કેમ ન કરી?
ફરિયાદ નહી કરીને PGના માલિકો સાબિત શું કરવા માગે છે?
શું લુખ્ખાઓથી PGના માલિકો ડરી રહ્યાં છે?
અમદાવાદમાં ભણતી લાખો દીકરીઓની સલામતિની જવાબદારી કોની?