આશ્ચર્ય / હાય રે ગરમી! આ મહિલાએ કારના બોનેટ પર શેકી રોટલી, ભરોસો ન હોય તો જોઈલો આ VIDEO

• ઓડિશાના એક મહિલાનો વીડિયો સામે આવ્યો
• આ મહિલાએ ભીષણ ગરમીમાં ગેસ વગર ખાવાનુ બનાવ્યું
• આ મહિલા ગેસ વગર જ રોટલી બનાવી રહી છે 

કારના બોનેટ પર શેકી રોટલી 

ટ્વિટર પર #Heatwave ટ્રેન્ડ પણ કરી રહ્યું છે. તો ઘણા રાજ્યોમાં તાપમાન 40 ડિગ્રીની પાર પહોંચી ગયુ છે. આ દરમ્યાન ઓડિશાના એક મહિલાનો વીડિયો સામે આવ્યો છે. તેણે ગેસ વગર જ ખાવાનુ બનાવ્યું. જેનુ કારણ છે ગરમીમાં શેકાઈ ગયેલા કારના બોનેટ પર. મહિલાએ ભીષણ ગરમીમાં આગ લગાવ્યાં વગર રોટલી બનાવી. આ વાયરલ વીડિયોમાં જોઈ  શકાય છે કે ઓડિશાના સોનપુરની રહેવાસી એક મહિલા કારના બોનેટ પર રોટલી બનાવી રહી છે. 40 ડિગ્રીની ભીષણ ગરમીમાં કારના બોનેટ પર મહિલાનો રોટલી બનાવતો વીડિયો વાયરલ થઇ રહ્યો છે. જેના વીડિયોને ટ્વિટર પર નીલામાધબ પાંડાએ શેર કર્યો છે. તે લખે છે, મારા શહેર સોનપુરનુ દ્રશ્ય. આ એટલુ ગરમ છે કે કોઈ પણ કારના બોનેટ પર રોટલી બનાવી શકે છે. 

Scenes from my town Sonepur. It’s so hot that one can make roti on the car Bonnet 😓 @NEWS7Odia #heatwaveinindia #Heatwave #Odisha pic.twitter.com/E2nwUwJ1Ub

— NILAMADHAB PANDA ନୀଳମାଧବ ପଣ୍ଡା (@nilamadhabpanda) April 25, 2022

પહેલા પણ આવા મામલા સામે આવ્યાં છે

દેશમાં આ પહેલી વખત બન્યું નથી. આની પહેલા પણ ભીષણ ગરમીમાં રસ્તા પર ઈંડાની આમલેટ બનાવવાનો વીડિયો સામે આવી ગયો છે. ત્યાં સુધી કે કારના બોનેટ પર માછલી પકાવવાનો વીડિયો પણ વાયરલ થઇ રહ્યો છે. તો રાજ્યમાં લૂ બાદ સ્કૂલ અને કોલેજો બંધ કરી દેવામાં આવ્યાં છે. ભારતીય હવામાન વિભાગના મહાનિર્દેશક મૃત્યુંજય મહાપાત્રએ મંગળવારે કહ્યું કે આગામી પાંચ દિવસો સુધી ઓડિશામાં નાગરિકોને લૂમાંથી કોઈ રાહત નહીં મળે.