લગ્ન બાદ ખબર પડી પતિ નથી બ્રાહ્મણ પત્નીએ દાખલ કરાઇ FIR

મહેસાણા: રાજ્યના મહેસાણામાં એક ચોંકાવનારો કિસ્સો સામે આવ્યો છે. અહીની 23 વર્ષની એક મહિલાએ પોતાના પતિ વિરુદ્ધ FIR દાખલ કરાવી છે કે એને લગ્ન પહેલા કહ્યું હતું કે એ બ્રાહ્મણ છે પરંતુ બાદમાં જાણવા મળ્યું કે એ બીજી જાતિનો છે. એકતા પટેલ નામની આ મહિલાએ પતિ પર વિશ્વાસ તોડવાનો કેસ દાખલ કરાવ્યો છે. 

બેચરાજી તાલુકાના આદિવાડા ગામની રહેવાસી એકતા પટેલે કહ્યું કે 23 એપ્રિલએ જે વ્યક્તિ સાથે એના લગ્ન થયા એને એની સરનેમ મહેતા જણાવતા કહ્યું હતું કે એ એક બ્રાહ્મણ છે. લગ્નનું રજિસ્ટ્રેશન કરાવ્યાના થોડા સમય બાદ મહિલાને જાણવા મળ્યું કે પતિની સરનેમ ખમાર છે અને એ બ્રાહ્મણ નથી. 
ત્યારબાદ એકતાએ શાહપુર પોલીસ સ્ટેશનમાં ફરીયાદ દાખલ કરાવી. 

એકતાએ પોલીસને જણાવ્યું કે ગત વર્ષે એપ્રિલમાં એમ કોમ કર્યા બાદ એ નોકરીની શોધમાં ગેસ એજન્સી ગઇ. ત્યાં અકાઉન્ટન્ટના પદ પર એને ફર્મના માલિક જ્યોત્સના મહેતાએ 5000 રૂપિયા મહિનાના વેતન પર રાખી લીધી. એકતાએ કહ્યું કે એ દરમિયાન એ જ્યોત્સનાના પુત્ર યશના સંપર્કમાં આવી જેને જણાવ્યું કે એ બ્રાહ્મણ છે. 

પીડિતાએ કહ્યું કે મે એની સાથે લગ્ન કરવાનો નિર્ણય કર્યો કારણ કે એ પણ મારી જેમ સવર્ણ હતો. આ લર્ષે 23 એપ્રિલે હિંદુ રીત રિવાજથી ખાનપુરના સ્ટર્લિંગ સેન્ટરમાં એક પૂજારીની હાજરીમાં લગ્ન કર્યા ત્યારબાદ અમે મેરેજ રજિસ્ટ્રાર એએમસી શાહપુરની ઓફિસમાં લગ્નનું રજિસ્ટ્રેશન કરાવ્યું. 

લગ્ન બાદ એક દિવસ મને ખબર પડી કે યશની સરનેમ ખમાર હતી. મે યશને સરનેમ માટે પૂછ્યું તો જાણવા મળ્યું કે આ બ્રાહ્મણ જાતિ નથી. યશે પોતાની જાતિ છુપાવીને મારો ભરોસો તોડ્યો છે.