રાહુલ ગાંધી આજે ગુજરાતની મુલાકાતે હતા. વલસાડમાં રાહુલે આજે એક જનસભાને સંબંધોન કર્યું. મોદી સરકાર પર આકરા પ્રહાર કર્યા. આ સભામાં સ્વાગત કાર્યક્રમ દરમિયાન એક મહિલા કાર્યકર્તાએ ઉત્સાહી થઈને રાહુલ પર એવા વ્હાલ વરસાવ્યા કે સૌ કૌઈ દંગી રહી ગયા.
રાહુલને પકડીને ગાલ પર ચુંબન કર્યું
કોંગ્રેસ અધ્યક્ષ રાહુલ ગાંધી વલસાડના ઐતિહાસિક મેદાનમાં સભાને સંબોધન કરી રહ્યા હતા. આ સંબોધનમાં તેમણે પ્રધાનમંત્રી મોદી અને મોદી સરકાર પર આકરા પ્રહારો કર્યા હતા. તો સ્વાગત કાર્યક્રમ દરમિયાન મહિલા કાર્યકરે રાહુલ ગાંધી પર જોરદાર વ્હાલ વરસાવ્યું. ઘટના કંઈક એવી બની કે સ્ટેજ પર રાહુલ ગાંધીના સ્વાગત માટે મહિલાઓને બોલાવવામાં આવી ત્યારે એક મહિલાએ રાહુલને હાર પહેરાવ્યો અને બાદમાં રાહુલને પકડીને ગાલ પર ચુંબન કર્યું. આ ચૂંબન પ્રેમ અને વ્હાલનું હતું. રાહુલ ગાંધી આગામી ચૂંટણીમાં પ્રધાનમંત્રી બનવા માટેના સપના જોઈ રહ્યા છે. ત્યારે આ મહિલા કાર્યકરે રાહુલને અનોખું વ્હાલ કરી પ્રધાનમંત્રી બને તેવી શુભકામના આપી.
રાહુલ ગાંધીની વ્હાલનું ચુંબન
તો મહિલા કાર્યકરની આ વ્હાલ બાદ પણ રાહુલ એકદમ મુસ્કુરાટમાં જોવા મળતા હતા. તેમણે સ્મિત સાથે મહિલા કાર્યકરોનું અભિવાદન કર્યું. ત્યારબાદ મંચ પર કાર્યકરોએ રાહુલ ગાંધીને ફુલોનો હાર પહેરાવ્યો. કોંગ્રેસના સમર્થનમાં સુત્રોચ્ચાર કર્યો. તો રાહુલ ગાંધીની વ્હાલનું ચુંબન કરનાર મહિલાનું નામ કશ્મીરા મુંશી છે અને તે ગુજરાતમાં મહિલા કોંગ્રેસની અધ્યક્ષ રહી ચુકી છે. કશ્મીરા મુંશીનો ગાંધી પરિવારની સાથે જૂનો નાતો છે.
આ મેદાનને કોંગ્રેસ લકી માને છે
આપને જણાવી દઈએ કે રાહુલ ગાંધી ગુજરાતના વલસાડના ધરમપુરમાં આવેલા લાલડુંગરી મેદાનમાં ચૂંટણી સભાને સંબોધિત કરી પોતાની ચૂંટણી અભિયાનની શરૂઆત કરી છે. આપને જણાવી દઈએ કે લાલડૂંગરી મેદાન ગાંધી પરિવાર માટે ખાસ માનવામાં આવે છે. કારણ કે આ જ મેદાનમાં એક સમયે રાહુલ ગાંધીના દાદી ઈન્દિરા ગાંધી તેમના પિતા રાજીવ ગાંધી અને રાહુલની માતા સોનિયા ગાંધીએ પોતાના ચૂંટણી અભિયાનની શરૂઆત આજ મેદાનથી કરી હતી. આ મેદાનને કોંગ્રેસ લકી માને છે. તો વલસાડ જિલ્લાના આ કાર્યક્રમ પહેલા રાહુલે રાજસ્થાનના અજમેરમાં સેવા દળના એક કાર્યક્રમમાં પણ હાજરી આપી હતી અને કેન્દ્રની મોદી સરકાર તથા RSS પર જોરદાર પ્રહારો કર્યા હતા.