મહીસાગર / હૃદય કંપાવનારી ઘટનાઃ સગી માતાએ વ્હાલસોયી ત્રણ બાળકીઓ સાથે કૂવામાં ઝંપલાવી કરી આત્મહત્યા

• 3 બાળકી સાથે કુવામાં ઝંપલાવતા તમામના મોત
• ઘટનાની જાણ થતા ઉચ્ચ પોલીસ કાફલો પહોંચ્યો
• DySP સહિતના અધિકારીઓએ હાથધરી તપાસ

કડાણા તાલુકામાં આવેલ ડીટવાસ ગામની હૃદય કંપાવી દેતી ઘટનાથી પંથકમાં ચકચાર મચી જવા પામી છે. 24 વર્ષીય મંગુબેન ડામોરે પાંચ વર્ષ, બે વર્ષ અને ચાર મહિનાની બાળકીઓ સાથે આત્મહત્યા કરી હતી.

પોતાની વ્હાલસોયી બાળકીઓ સાથે મોતને વ્હાલું કરનાર માતાના મોત માટે જવાબદારને આકરી સજા કરવા માંગ કરવામાં આવી રહી છે. આ ઘટનાને પગલે કુટુંબીજનો અને ગ્રામજનોમાં શોકનો માહોલ છવાયો છે.

DySP સહિત પોલીસ ઘટના સ્થળે પહોંચી મૃતદેહોને બહાર કાઢી પી.એમ. અર્થે મોકલવામાં આવ્યા છે. પોલીસ આપઘાત કરવા પાછળનું કારણ જાણવા વધુ તપાસ હાથ ધરી છે.