એક મહિલાએ રોસ્ટ ચીકન મંગાવ્યું હતું પરંતુ તેની અંદરથી ચીકનનો આખો પંજો નીકળતા આઘાત પામેલી મહિલાએ તાત્કાલિક શાકાહારી બની ગઈ.
25 વર્ષની છોકરીએ મંગાવ્યું ચીકન
ખાવા બેઠી ત્યારે ભોજનમાંથી નીકળ્યો ચીકનનો આખો પંજો
આઘાત પામેલી છોકરી તાત્કાલિક બની શાકાહારી
માંસાહારીઓને ચીકન ખૂબ પસંદ હોય છે અને તેઓ લિજ્જતથી ચીકનની જયાફત માણતા હોય છે પરંતુ કેટલાક એવા પણ લોકો છે જેમને માંસ ખાવાનું પસંદ તો હોય છે પરંતુ ભોજનમાં કોઈ પ્રાણી કે ચીકનનું આખું અંગ આવી જતા ખળભળી ઉઠતા હોય છે અને જીંદગીમાં ક્યારેક માંસાહાર ન કરવાનો નિર્ણય લેતા હોય છે.
બ્રિટનની 25 વર્ષીય છોકરી સાથે બની ચોંકાવનારી ઘટના
બ્રિટનની 25 વર્ષીય છોકરી સાથે આવી જ એક ઘટના બની છે. એમિલી નામની છોકરીએ ઓનલાઈન રોસ્ટ ચીકનનો ઓર્ડર આપ્યો હતો. પરંતુ જ્યારે તે ખાવા બેઠી ત્યારે અંદરથી જે ચીજ નીકળી તેનાથી તે ચોંકી ઉઠી અને તાત્કાલિક શાકાહારી બનવાનું વચન લઈ લીધું.
ભોજનમાંથી ચીકનનો આખો પંજો નીકળ્યો
મહિલા જેવી રોસ્ટ ચીકન ખાવા બેઠી કે તેને અંદરથી ચીકનનો આખો પંજો જોવા મળ્યો. આ ઘટના બાદ એમિલીની ચીકન ખાવાની મજા મરી ગઈ અને તેને ખૂબ ચીતરી ચડી સાથે સાથે તેણે માંસાહાર છોડીને શાકાહારી બનવાનો પણ નિર્ણય લઈ લીધો. એમિલીએ £3.99 ડોલરમાં પોતાને માટે રોસ્ટ ચીકન ખરીદ્યું હતું. જ્યારે તેણે ડીનરનું પાર્સલ ખોલ્યું ત્યારે તે ચોંકી ઉઠી અને હવે જીંદગીમાં ક્યારેક માંસાહાર ન કરવાનો નિર્ણય લઈને શાકાહારી બની ગઈ.
આ ઘટના બાદ શાહાકારી બની છોકરી
એમિલીએ કહ્યું કે મેં જ્યારે જોયું ત્યારે આઘાત પામી. ઘડીક તો મને ફની લાગ્યું પરંતુ સરવાળે તે સાચુ પડ્યું. ત્યાર બાદ મેં ચીકન ન ખાવાનો નિર્ણય લઈ લીધો. તેણે કહ્યું કે મને ચીકન ખાવાનું ખૂબ પસંદ છે જોકે હવે હું જીંદગીમાં ક્યારેય પણ ચીકન નહીં ખાઉ. એમિલીએ કંપનીને આ અંગે ફરિયાદ પણ કરી છે. હાલમાં કંપની આ કેસની તપાસ કરી રહી છે.