યુક્રેન પર જ્યારે રશિયાએ હુમલો કર્યો છે ત્યારથી ઘણા લોકો ભાગીને બીજા દેશમાં શરણ લઇ રહ્યાં છે. આ ક્રમમાં યુક્રેનની એક 22 વર્ષની યુવતી ભાગીને બ્રિટન પહોંચી ગઇ. જ્યાં એક મહિલાએ દયા ખાઈને યુવતીને પોતાના ઘરમાં શરણ આપી. યુવતીને શરણ આપીને મહિલાએ તેના જીવનની સૌથી મોટી ભૂલ કરી.
યુક્રેનની એક યુવતીએ બ્રિટનની મહિલા સાથે કર્યો વિશ્વાસઘાત
નિરાધાર સમજીને મહિલાએ યુવતીને પોતાના ઘરમાં આપી શરણ
યુવતી મહિલાના પતિ સાથે પ્રેમાલાપ કરી થઇ ફરાર
મહિલાએ શરણ આપી તો યુવતી તેના પતિને લઇ ભાગી ગઇ
જે યુવતી પર દયા કરીને મહિલાએ પોતાના ઘરમાં રહેવા માટે જગ્યા આપી તે મહિલાએ તેના પતિને પટાવી લીધો અને તેનો પતિ આ યુવતી સાથે ભાગી ગયો. એક મીડિયા રિપોર્ટ મુજબ, પીડિત મહિલાએ જણાવ્યું કે યુદ્ધગ્રસ્ત યુક્રેનથી ભાગીને આવતા તેમણે 22 વર્ષની સોફિયા કાર્કાદિમને પોતાના ઘરે રહેવા માટે જગ્યા આપી. પરંતુ આ યુવતીએ 10 વર્ષ જૂના પતિ સાથે પ્રેમાલાપ શરૂ કર્યો. ટોની ગાર્નેટ નામની મહિલાએ મેમાં સોફિયા કાર્કાદિમ નામની યુવતીને પોતાના ઘરમાં રહેવા દીધી હતી. ત્યારબાદ તેનો પતિ અને યુવતી નજીક આવ્યા. મહિલાએ જણાવ્યું કે આ યુવતીની નજર શરૂઆતથી જ તેના પતિ પર હતી.
નિરાધાર યુવતી મહિલાના પતિને લઇ રફૂચક્કર થઇ
મહિલાએ જણાવ્યું કે યુવતીએ ફેસબુક પેજ પર તેની સાથે સંપર્ક કર્યો હતો. ત્યારબાદ તેને નિરાધાર સમજીને યુવતીને ઘરમાં રહેવા દેવાનો નિર્ણય કર્યો હતો. મહિલાએ જણાવ્યું કે તેનો પતિ સ્લોવાકિયાઈ ભાષા જાણતો હતો અને યુવતી યુક્રેની ભાષામાં વાત કરતી હતી. બંને ભાષાઓ લગભગ એક જેવી છે, જેનાથી તેમને સમજમાં આવ્યું નહીં કે બંને શું વાતચીત કરતા હતા. ધીરે-ધીરે બંનેમાં શારીરીક સંબંધ સ્થાપિત થયા અને તેનો પતિ યુવતીની સાથે ભાગી ગયો.