સરોગેસી પદ્ધતિ દ્વારા અશક્ય લાગતું કામ શક્ય કરી દેખાડ્યું
પરિવાર વધારવાની પતિની ઈચ્છા હતી, પત્નીએ પાર પાડી
સરોગેસી માટે 1.42 કરોડનો ખર્ચ કર્યો
પરિવારનો વિસ્તાર કરવાની પતિની ઈચ્છા પૂરી કરી
ક્રિસ્ટીના ઓજટર્કેના પતિ ગેલેપની ઈચ્છા પરિવારને મોટો કરવાની હતી અને લગ્ન વખતે તેણે આ વાત પત્નીને જણાવી હતી. ક્રિસ્ટીનાએ પણ આ વાત સ્વીકારી લીધી હતી અને લગ્ન પછી તેણે પતિની ઈચ્છા પુરુ કરવાનો નિર્ણય લીધો. વિચારતા વિચારતા તેને સરોગેસી હાથ લાગી.
પરણિત પુરુષ સાથે લગ્ન કર્યાં, પતિની વિસ્તાર કરવાની ઈચ્છા પૂરી કરી
23 વર્ષીય ક્રિસ્ટીના ઓજટર્કે જણાવ્યું કે હું મારા કરોડપતિ પતિ ગેલીપને જ્યારે મળી ત્યારે તેમણે એક મોટા પરિવારનું સપનું જોયું હતું. જોકે તેનો પતિ ગેલીપ તો પરણિત હતો. જ્યોર્જિયાના પ્રવાસ દરમિયાન તેની મુલાકાત ગેલીપ સાથે થઈ હતી. એક વર્ષમાં 20 બાળકોને જન્મ આપવો ઘણું મુશ્કેલ કામ છે અને તેમાં મહિલા લેવાઈ જાય છે. છતાં ક્રિસ્ટીનાએ આ અઘરુ કામ કરી દેખાડ્યું. ક્રિસ્ટીનાએ જણાવ્યું કે સરોગેસી દ્વારા મેં આ શક્ય કરી દેખાડ્યું.
20 બાળકોની સારસંભાળ માટે 16 આયા રાખી
ક્રિસ્ટીનાએ જણાવ્યું કે એક વર્ષ પહેલા મારી પાસે ફક્ત એક બાળક હતું જ્યારે આજે 20 બાળકો છે. મેં સરોગેસી માટે 1.42 કરોડનો ખર્ચ કર્યો છે. ક્રિસ્ટીનાએ એવું પણ જણાવ્યું કે હજુ પણ ભવિષ્યમાં તેની વધારે બાળકો પેદા કરવાની ઈચ્છા છે. જોકે તેને માટે સમય લાગશે. હાલ પુરતી કોઈ ઈચ્છા નથી. અત્યારે તો આટલા બાળકો પૂરતા છે. તે કહે છે કે 20 બાળકોની સારસંભાળ માટે 16 આયા રાખવામાં આવી છે.