Insecurity / બાપ રે! પતિનું લૅપટોપ પત્નીએ અચાનક ચૅક કરતા જોવા મળ્યું એવું કે પગ નીચેથી સરકી ગઈ જમીન

• મહિલાએ પોતાના પતિના કોમ્પ્યુટરની કરી જાસૂસી
• પતિએ કોમ્પ્યુટરમાં બંને વચ્ચે થયેલા ઝઘડાની રાખી હતી યાદી
• આ યાદી જોયા બાદ પત્ની ચોંકી ગઈ, નિષ્ણાંતોએ કહ્યું, ચિંતા ના કરો

મહિલાએ પતિના કોમ્પ્યુટરની કરી જાસૂસી

મહિલાએ સ્વીકાર કર્યો છે કે તેણે પોતાના પતિના કોમ્પ્યુટરની થોડી જાસૂસી કરી હતી અને તેમાં સામે આવ્યું કે તેનો પતિ છેલ્લાં 1 વર્ષમાં તેની સાથે થયેલા ઝઘડાની એક યાદી સાથે રાખતો હતો. આ યાદી જોયા બાદ મહિલા અવાચક થઇ ગઇ હતી અને તે સમજી નહોતી શકતી કે આખરે તેણે શું કરવુ જોઈએ. મહિલાએ જણાવ્યું કે, તેના પતિએ એ વસ્તુઓની એક યાદી રાખી છે, જે તેને લાગે છે કે તેની પત્ની તેને ધમકાવતી હતી. 

મહિલાને સતાવી રહ્યો છે છૂટાછેડાનો ડર

મીડિયા રિપોર્ટ મુજબ, આ યાદી જોયા બાદ મહિલાને આ વાતની ચિંતા રહેતી હતી કે શું તેનો પતિ તેને છૂટાછેડા તો નહીં આપે ને. રિપોર્ટ મુજબ, મહિલા હંમેશા પોતાને સમજાવવાનો પ્રયાસ કરે છે કે તેનો અને તેના પતિનો સાથ સારો છે. પરંતુ તે એક હાઉસવાઈફ હોવાથી તેનો ડર વધી રહ્યો છે.

મહિલાએ રિલેશનશિપના નિષ્ણાંતો પાસે માંગી મદદ 

મહિલાએ સ્વીકાર કર્યો છે કે પતિના કોમ્પ્યુટરની જાસૂસી કરવી ખોટી વાત છે. પરંતુ જેના કારણે તે પોતાના પતિની ફરિયાદોની યાદી અંગે સાવધાન થઇ ગઇ. મહિલાએ પોતાનુ દુ:ખ જણાવી રિલેશનશિપના નિષ્ણાંતો પાસે મદદની માગ કરી છે અને પૂછ્યુ છે કે મારે શું કરવુ જોઈએ? શું આ છૂટાછેડાનો સંકેત છે? ઘણાં કટારલેખકોએ મહિલાઓની ચિંતા પ્રત્યે સહાનુભૂત દર્શાવી છે અને તેમનુ કહેવુ છે કે તેમને લાગતુ નથી કે આ જોખમ અને છૂટાછેડાના સંકેત છે.