96 સેકન્ડનો એક વીડિયો સોશિયલ મીડિયામાં ઘણી વખત જોવાઇ ચૂક્યો છે. આ ક્લિપમાં એક મહિલા રેલવે સ્ટેશનના પ્લેટફોર્મ પર બેસીને એક રખડતા શ્વાનને દહી-ભાત ખવડાવી રહી છે. રિપોર્ટ મુજબ, આ મામલો પશ્ચિમ બંગાળનો છે.
એક મહિલાએ રખડતા શ્વાનને દહી-ભાત ખવડાવ્યાં
મહિલાએ રેલવે સ્ટેશનના પ્લેટફોર્મ પર બેસીને ખાવાનુ આપ્યું
મહિલા દિવસમાં ત્રણ વખત શ્વાનને ખાવાનુ આપે છે
દિવસમાં ત્રણ વખત ખાવાનુ આપે છે મહિલા
આ વીડિયોને કોઈ વ્યક્તિએ ફેસબુક પર શેર કર્યો હતો. ત્યારબાદ યુઝર્સે મહિલાના ખૂબ વખાણ કર્યા અને આખો વીડિયો ઈન્ટરનેટ પર છવાઈ ગયો. વાયરલ ક્લિપમાં જોઇ શકાય છે કે એક મહિલા રેલવે પ્લેટફોર્મ પર બેઠી છે અને વ્હાઈટ કલરના સ્ટ્રીટ ડૉગને કોઈ બાળકની જેમ પોતાના હાથેથી દહી-ભાતની નાની બોલ્સ બનાવીને ખવડાવી રહી છે. મહત્વનું છે કે આ વીડિયો ચંદન દાસે ફેસબુક પર 24 એપ્રિલે પોસ્ટ કર્યો હતો. જે પશ્ચિમ બંગાળના બીરભૂમ જિલ્લાના મયુરેશ્વરનો છે. દાવો કરવામાં આવ્યો છે કે આ ક્લિપ પશ્ચિમ બંગાળના દમ દમ કેન્ટોનમેન્ટ રેલવે સ્ટેશનનો છે.
આ રેલવે સ્ટેશનનો છે વીડિયો
મહિલાએ જણાવ્યું કે શ્વાનનુ નામ Kutush છે, જે 5 વર્ષનો છે. તેને દહી-ભાત ખાવા ખૂબ ગમે છે. એટલું જ નહીં, મહિલાએ જણાવ્યું કે તેને ખાતી વખતે બેકગ્રાઉન્ડમાં સંગીત સાંભળવુ ખૂબ પસંદ છે. એવુ નથી કે આ મહિલા પહેલી વખત આ શ્વાનને ખાવાનુ ખવડાવી રહી હતી. તે દિવસમાં ત્રણ વખત શ્વાનને ખાવાનુ આપવા માટે સ્ટેશન આવે છે. અમુક ફેસબુક યુઝર્સે સ્ટેશનને ઓળખી લીધુ. જ્યારે અમુક યુઝર્સે રખડતા શ્વાનની સારસંભાળ કરવા માટે મહિલાના વખાણ કર્યા.