મહારાષ્ટ્રના જાલનામાં ખેડૂત પરિવાર થયેલા અત્યારનો એક મામલો સામે આવ્યો છે. એક તરફ કેન્દ્ર સરકાર ખેડૂતોને રિઝવવા પ્રયાસ કરી રહી છે. તો બીજી તરફ ભાજપના જ એક નેતાએ ખેડૂત પરિવાર પર હુમલો કર્યો છે અને આ મારપીટની ઘટનાનો વીડિયો પણ સોશિયલ મીડિયામાં વાયરલ થયો છે.
કિસાન મોર્ચાના ભાજપ જિલ્લાધ્યક્ષ રાવસાહેબ ભવર અને તેમના કાર્યકર્તાઓએ એક ગરીબ ખેડૂત પરિવાર સાથે મારપીટ કરી. આપ દ્રશ્યોમાં જોઈ શકો છો તેમ આ મારપીટમાં મહિલાઓ પર પણ અત્યાચાર ગુજારવામાં આવ્યો. મહિલાઓને પણ બક્ષવામાં ના આવી.
જમીન વિવાદમાં આ પરિવાર પર હુમલો કરવામાં આવ્યો છે. ત્યારે આ હુમલાનો અને મારપીટનો વીડિયો પણ સોશિયલ મીડિયામાં ખૂબ વાયરલ થયો છે. બાદમાં પીડિત ખેડૂત પરિવાર આ મામલે પોલીસ સ્ટેશનમાં ફરિયાદ નોંધાવતા પોલીસે ફરિયાદ નોંધીને આગળની કાર્યાવાહી હાથ ધરી છે.