ભારતીય ટીવી સીરિયલોમાં ઘણો મેલોડ્રામા થતો હોય છે. તેમાં એવા કાલ્પનિક દ્રશ્યો બતાવવામાં આવે છે જે માનવું મુશ્કેલ છે. જોકે, તેમ છતાં તેને દર્શકો તરફથી ઘણો પ્રેમ મળે છે. પટકથાના નામે સીરિયલોમાં કોઈપણ દ્રશ્યો બતાવી દેવામાં આવે છે. આવી જ એક ટીવી સીરિયલનો એક સીન આજકાલ સોશિયલ મીડિયા પર વાયરલ થઈ રહ્યો છે, જેને લોકો ખૂબ જ ટ્રોલ કરી રહ્યાં છે.
એક ટીવી સીરિયલનો એક સીન આજકાલ સોશિયલ મીડિયા પર વાયરલ થઈ રહ્યો છે
સીરિયલમાં યુવતી સૂટકેસમાં પડતાંની સાથે બંધ થઈ જાય છે
લોકો ખૂબ જ ટ્રોલ કરી રહ્યાં છે
આ વાયરલ ક્લિપમાં સ્પષ્ટપણે જોઈ શકાય છે કે ટીવી સીરિયલની હિરોઈન ચાલીને આવે છે અને ત્યારબાદ નજીકમાં ખુલ્લા રાખેલા સૂટકેસમાં પડી જાય છે. સૂટકેસમાં પડતાની સાથે જ સૂટકેસ આપમેળે બંધ થઈ જાય છે અને લોક થઈ જાય છે. પછી એક વ્યક્તિ ત્યાં આવે છે અને સૂટકેસ લઈ જાય છે ત્યારે સીરિયલની એક્ટ્રેસ સૂટકેસમાં બેભાન પડી હોય છે.
બીજા સીનમાં દેખાડવામાં આવે છે કે તે સૂટકેસ સ્વિમિંગ પૂલમાં તરી રહ્યું છે. તમને જણાવી દઈએ કે આ સીન ટીવી સીરિયલ 'ઇશ્ક મેં મરજાવાં 2' નો છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે, જેને લોકો ખૂબ ટ્રોલ કરી રહ્યાં છે.
આ વીડિયો 21 સપ્ટેમ્બરના રોજ સોશિયલ મીડિયા પર શેર કરવામાં આવ્યો હતો, જેને 4 લાખથી વધુ લોકોએ જોયો હતો અને હજારો લોકોએ તેને રીટ્વિટ કર્યું હતું. તેના પર કોઈએ લખ્યું હતું કે યુવતી સૂટકેસમાં પડીને બંધ થઈ ગઈ પરંતુ સૂટકેસની ઝિપ કોણે બંધ કરી હતી. આ સિવાય લોકોએ આ વીડિયો પર વિવિધ પ્રકારની કમેન્ટ્સ પણ કરી છે.