સોશિયલ મીડિયા પર એક મહિલાએ ઓનલાઈન કરોડપતિ બનવાની રીત લોકો સાથે શેર કરી છે.
પપી ગર્લ તરીકે જાણીતી છે આ યુવતી
કૂતરાની જેમ એક્ટિંગ કરીને કમાય છે રૂપિયા
1 વર્ષમાં કમાયા 7 કરોડ રૂપિયા
આજના સમયમાં ઘણા લોકો ઓનલાઈન પૈસા કમાઈ રહ્યા છે. યુટ્યુબથી લઈને ઈન્સ્ટાગ્રામ અને ફેસબુક દ્વારા પણ લોકો પૈસા કમાઈ રહ્યા છે. અમુક અન્ય વેબસાઈટ પણ છે. જે લોકોને ઘરે બેઠા પૈસા કમાવવાની તક આપી રહી છે. તેમાં વિદેશોમાં ઓનલીફેન્સ નામની સાઈટ સૌથી વધારે ફેમસ છે. આ સાઈટ પર એડલ્ટ કન્ટેન્ટ ખૂબ જ શેર કરવામાં આવી રહ્યું છે. જેને જોવા માટે લોકો પૈસા ચુકવે છે. હાલમાં જ એન્ડ જેના નામની એક મહિલાએ શેર કર્યું કે આ સાઈટ દ્વારા તેણે એક વર્ષમાં સાત કરોડ રૂપિયા કમાયા છે. તેના માટે તેણે યુનિક કન્ટેન્ટ લોકોને આપ્યું.
આ રીતે કમાયા 7 કરોડ રૂપિયા
એન્ડ જેનાને લોકો પપી ગર્લ જેના (Puppy Girl Jenna)ના નામથી પણ ઓળખે છે. જેનાએ જણાવ્યું કે તે કૂતરાની જેમ એક્ટ કરીને પૈસા કમાય છે. તેને લોકો પોતાના સેક્સુઅલ ડિઝાયર્સ માટે કુતરા જેવી એક્ટિંગ કરવા માટે કહે છે. તેના બદલે તેને સારી એવી ફિસ આપવામાં આવે છે. જેનાને No Jumper નામના યુટ્યુબ ચેનલના હોસ્ટને હાલમાં જ આપેલા ઈન્ટરવ્યૂમાં આ વાતનો ખુલાસો કર્યો છે. તેણે જણાવ્યું કે લોકો તેને કૂતરા જેવી હરકતો કરવા અને ચાર પગ પર ચાલવા અને ભસવાના કારણે પૈસા આપે છે. તે આમ કરતા વીડિયો બનાવે છે અને તેને ઓનલાઈન શેર કરે છે. જેનાએ જણાવ્યું કે ધણા લોકો તેને ગાળો પણ આપે છે પરંતુ તેને કોઈ ફરક નથી પડતો.
ટાઈમ પાસ માટે બનાવ્યું હતું એકાઉન્ટ
જેનાએ લોકડાઉન વખતે ટાઈમપાસ માટે એકાઉન્ટ બનાવ્યું હતું. તેણે તેના પર મસ્તી માટે વીડિયોઝ નાખવાનું શરૂ કર્યું હતું. શરૂઆતમાં તેણે વેનિલા આઈસક્રીમ સાથે વીડિયો નાખ્યા. પરંતુ એક વખત તેણે એમજ કૂતરા જેવા પોઝમાં એક વીડિયો નાખ્યો જેને લોકોએ ખૂબ પસંદ કર્યો. પછી તેને આવા પ્રકારના વીડિયોની ડિમાન્ડ મળવા લાગી. જેનાએ જણાવ્યું કે ગયા વર્ષે જૂનમાં તેણે તેના પર પ્રોફેશનલી વીડિયોઝ નાખવાનું શરૂ કર્યું અને હવે એક વર્ષની અંદર તે 7 કરોડ કમાઈ ચુકી છે.