હૈદરાબાદમાં પશુ ચિકિત્સક મહિલાની સાથે થયેલી દર્દનાક ઘટના બાદ દેશભરમાં આક્રોશ જોવા મળી રહ્યો છે. સામાન્ય માણસથી લઈને બોલિવૂડ સેલિબ્રિટી સુધી દરેક વ્યક્તિ આ ઘટનાની નિંદા કરી રહ્યું છે. બોલિવૂડના મિસ્ટર ખેલાડી અક્ષય કુમારે પણ સોશ્યિલ મીડિયાની મદદથી આ ઘટનાને લઈને દુઃખ વ્યક્ત કર્યું છે. સાથે તેમનું માનવું છે કે કાયદાનું કડક વલણ જરૂરી બન્યું છે.
અક્ષય કુમારે કહી આ વાત
મહિલા ડોક્ટરની હત્યાને લઈને વ્યક્ત કર્યું દુઃખ
કાયદાનું કડક વલણ જરૂરી બન્યું છેઃ અક્ષય કુમાર
અક્ષયે કહી આ વાત
અક્ષયે કહ્યું કે ભલે તે હૈદરાબાદની મહિલા ડોકટર હોય કે પછી તામિલનાડુની રોઝા હોય, રાંચીના કાયદાની વિદ્યાર્થીઓ, કે જેમનો ગેંગરેપ થયો છે આપણે એક સમાજ તરીકે નિષ્ફળ ગયા. નિર્ભયા ગેંગરેપને 7 વર્ષ થયા છે, પરંતુ આપણી નૈતિકતાના ટુકડા થઈ રહ્યા છે. અમને આકરા કાયદાની જરૂર છે. તે શક્ય તેટલું જલ્દીથી પૂર્ણ થવું જોઈએ.
Whether it is #PriyankaReddy in Hyderabad, #Roja in Tamil Nadu or the law student gangraped in Ranchi,we seem to be losing it as a society. It has been 7 yrs to the gut-wrenching #Nirbhaya case & our moral fabric continues to be in pieces.We need stricter laws.This needs to STOP!
અક્ષય કુમાર સિવાય ટીવી શો ક્રાઈમ પેટ્રોલના હોસ્ટ એક્ટર અનૂપ સોનીએ કહ્યું કે, 'અમે ફરીથી એક પુત્રી, બહેન અને મિત્ર ગુમાવ્યા.' અનૂપ કહે છે કે જ્યાં સુધી સજા સૌથી કડક નહીં થાય ત્યાં સુધી આપણે સુધરીશું નહીં. આ સ્ટાર્સ સિવાય ફરહાન અખ્તર, શબાના આઝમી અને યામી ગૌતમ જેવી અભિનેત્રીઓએ પણ પોતાનો રોષ વ્યક્ત કર્યો છે. યામીએ લખ્યું કે ક્રોધ, દુઃખ અને આઘાત સર્વત્ર ફેલાયેલો છે. લોકો આટલા જાગૃત થયા પછી પણ આવા કિસ્સા બહાર આવી રહ્યા છે. જે લોકો આવા કૃત્યો કરે છે તેઓ કાયદાથી ડરતા નથી. અમે એક સમાજ તરીકે નિષ્ફળ ગયા.
શું છે કેસ?
પશુચિકિત્સક મહિલા બુધવારે કોલ્લુરુની વેટરનરી હોસ્પિટલમાં ગઈ હતી. આ દરમિયાન તેની સ્કૂટી પંચર થઈ ગઈ. આ પછી, તેણે તેની બહેનને ફોન કર્યો અને તે વિશે માહિતી આપી. રાતનો સમય હતો. તેણે તેની બહેનને કહ્યું કે તેને ડર લાગી રહ્યો છે. તેમણે એમ પણ કહ્યું કે કેટલાક લોકોએ મદદની ઓફર કરી છે અને થોડા સમય પછી તેઓ ફોન કરશે. પછી આ પછી તેનો મોબાઈલ બંધ થઈ ગયો. પરિવારના સભ્યોએ શાદનગર ટોલ પ્લાઝા નજીક મહિલા ડોક્ટરની શોધ કરી હતી, પરંતુ તે મળી ન હતી. તેનો મૃતદેહ સવારે શાદનગરના અંડરપાસ પાસેથી મળ્યો હતો.