રાજસ્થાનના કોટામાં એક એવી ઘટના બની છે કે જે અંધકારયુગની યાદ અપાવી દેશે. મેડિકલ કોલેજની હોસ્પિટલમાં લાઇટ જતી રહેવાના કારણે વૃદ્ધાએ જીવ ગુમાવવો પડ્યો હતો.
રાજસ્થાનના કોટામાં મેડિકલ કોલેજમાં બની દુઃખદ ઘટના
વીજળી ગુલ થતાં દર્દીએ ગુમાવ્યો જીવ
મોબાઈલની ટોર્ચથી ડોક્ટર્સ કરતાં રહ્યા સારવાર
21 મી સદીમાં બની અત્યંત દુઃખદ ઘટના
રાજસ્થાનના કોટામાં સૌથી મોટી મેડિકલ કોલેજમાં ત્રણ કલાક સુધી વીજળી ઠપ્પ થઈ ગઈ હતી. જેના કારણે ભારે ગેરવ્યવસ્થા સર્જાઇ હતી અને તેનો સામનો કરવો ડોક્ટર્સ સાથે દર્દીઓ માટે પણ જોખમી સાબિત થયો હતો.
ડોકટરોએ મોબાઈલ ટૉર્ચની લાઇટમાં ટ્રીટમેન્ટ કર્યાના કથિત સમાચાર સામે આવ્યા છે. આ ઉપરાંત તેનો Video પણ સામે આવ્યો છે. એવું જણાવવામાં આવી રહ્યું છે કે ઇલેક્ટ્રિક પેનલમાં ખરાબીને કારણે હોસ્પિટલમાં વીજળી પૂરતી હતી નહીં. જેના કારણે ઉપચાર દરમિયાન મહીલાનું મોત થઈ ગયું હતું. આ એક ગંભીર ઘટના છે અને 21 મી સદીમાં આ રીતે દર્દીએ જીવ ગુમાવવો પડે એ ઘટના ખરેખર નિંદાપાત્ર છે.
વીજળી ગુલ થઈ ગયા બાદ ચાલતો હતો ઈલાજ
જે સમયે વીજળી જતી રહી હતી એ જ સમયે એક વૃદ્ધાની ટ્રીટમેન્ટ ચાલી રહી હતી હાલત ગંભીર હોવાના કારણે મહિલાને વેન્ટિલેટર પર રાખવામાં આવી હતી. અચાનક લાઇટ જતી રહેતાં મહિલાની હાલત વધુને વધુ ખરાબ થવા લાગી હતી. પરંતુ લાઇટ જતી રહેવાના કારણે તેનો ઈલાજ મોબાઈલ ટૉર્ચની લાઇટમાં કરવાની ફરજ પડી હતી. પરંતુ ડૉક્ટરોના પ્રયત્નો તેનો જીવ બચાવી શક્યા નહોતા.
મૃત મહિલાનું નામ નંદુંબાઈ જણાવવામાં આવી રહ્યું છે. તે રાવતભાટાની રહેવાસી છે અને પરિજનોનો આરોપ છે કે હોસ્પિટલ પ્રશાસનની બેદરકારીને તેણીએ જીવ ગુમાવ્યો હતો.
કોઈ વૈકલ્પિક વ્યવસ્થા નહીં
સામાન્ય રીતે હોસ્પિટલ્સમાં લાઇટ જતી રહે તો હોસ્પિટલ્સ પાસે 24 કલાક માટે વૈકલ્પિક વ્યવસ્થા રહેતી હોય છે કે જેથી કરીને ઇમરજન્સીની સ્થિતિમાં કોઈ મુશ્કેલીનો સામનો ન કરવો પડે પરંતુ કોટ મેડિકલ કોલેજ હોસ્પિટલમાં કોઈ વ્યવસ્થા ન હોવાના કારણે આટલી ગંભીર પરિસ્થિતિનું નિર્માણ થયું હતું અને એક મહિલાનો જીવ પણ ગયો હતો.