Tuesday, July 16, 2019
સબસ્ક્રાઈબ કરો VTVGujarati ન્યુઝ Whatsapp

ચેતવણીરૂપ કિસ્સો / 6 મહિનાની બાળકી હોવા છતા પબજી ગેમમાં પાર્ટનર સાથે રહેવા યુવતીએ માગ્યા છૂટાછેડા

6 મહિનાની બાળકી હોવા છતા પબજી ગેમમાં પાર્ટનર સાથે રહેવા યુવતીએ માગ્યા છૂટાછેડા

સમગ્ર દેશમાં PUBG અને MOMO ગેમની ચેલેન્જના કારણે બાળકો અને યુવાનોમાં હિંસક વૃત્તિનું પ્રમાણ વધતું જાય છે. જેને લઇને અનેક શહેરોમાં PUBG અને MOMO ગેમ પર પ્રતિબંધ મુકવામાં આવી રહ્યો છે. અગાઉ વડોદરા, સુરત, રાજકોટ અને અમદાવાદમાં પણ PUBG અને MOMO ગેમ પર પ્રતિબંધ મુકવામાં આવ્યો હતો.

પબજીના રવાડે ચડેલા યુવાનો માટે ચેતવણીરૂપ કિસ્સો સામે આવ્યો છે. પબજી ગેમ સાથે રમવા અમદાવાદમાં યુવતીએ છૂટાછેડા માગ્યા છે. યુવતીએ પબજી ગેમના પાર્ટનર સાથે રહેવા છૂટાછેડા માગ્યા. યુવતીને 6 મહિનાની બાળકી હોવા છતા તેણે પબજી પાર્ટનર સાથે રહેવા છૂટાછેડા માગ્યા છે.

ત્યારે કેસ 181 અભયમ્ હેલ્પ લાઇનમાં પહોચતા સંસ્થાએ મામલો થાળે પાડ્યો છે. મહિલા દિવસ-રાત પબજી પાર્ટનર સાથે ગેમ રમતી હતી. ઉલ્લેખનીય છે કે, પબજી ગેમથી યુવાનો ખોટા રવાડે જઇ રહ્યાં હોવાના દાખલા વધ્યા છે. થોડા સમય પહેલા જ ગુજરાતમાં પબજી પર પ્રતિબંધ મુકાયો હતો.

અત્રે ઉલ્લેખનીય છે કે, અમદાવાદ પોલીસ કમિશ્નર એ.કે.સિંઘે જાહેરનામું બહાર પાડીને PUBG અને MOMO ગેમ પર પ્રતિબંધ લગાવ્યો છે. આ જાહેરનામાનો ભંગ કરનારા પર પોલીસ કાયદેસરની કાર્યવાહી કરશે.

જોવા જેવું વધુ જુઓ

બ્રેકિંગ ન્યૂઝ