રિલેશનશિપની કેટલાય અજબ-ગજબ કિસ્સાઓ દુનિયાભરમાંથી સામે આવતા રહેતા હોય છે, પણ હવે એવું લાગે છે કે, સંબંધોનું સ્તર વધારે આગળ નિકળી ગયું છે.
રિલેશનશિપની કેટલાય અજબ-ગજબ કિસ્સાઓ દુનિયાભરમાંથી સામે આવતા રહેતા હોય છે, પણ હવે એવું લાગે છે કે, સંબંધોનું સ્તર વધારે આગળ નિકળી ગયું છે. રિલેશનશિપનો આવો જ એક અનોખો કિસ્સો અમેરિકામાંથી સામે આવ્યો છે, જ્યાં એક મહિલાએ એવો નિર્ણય લીધો છે કે, તે પોતાની મિત્ર અને પોતાના બોયફ્રેન્ડ સાથે એક સાથે લગ્ન કરવા જઈ રહી છે. એટલું જ નહીં આ ત્રણેય એક સાથે રિલેશનશિપમાં છે.
મહિલા મિત્ર અને બોયફ્રેન્ડ સાથે લગ્ન કરશે આ મહિલા
હકીકતમાં જોઈએ તો, આ ઘટના અમેરિકાના ટેનેસીની છે. એક રિપોર્ટમાં જણાવ્યા અનુસાર મહિલાનું નામ એંજેલ બેલી છે.અને તેનો બોયફ્રેન્ડ ટાયલર હેઝ છે. આ બંનેએ જૂન 2018માં ટિંડર પર મળ્યા બાદ એક બીજા સાથે ડેટીંગ કર્યું હતું. આ તમામની વચ્ચે કપલે ગત વર્ષે એપ્રિલમાં પોતાના સંબંધોમાં એક જૂની કોલેજ મિત્ર સૈમ વિકને પણ જોડી લીધી.
ઘણા સમયથી રિલેશનશિપમાં છે ત્રણેય
રિપોર્ટમાં જણાવ્યા અનુસાર પોતાના બોયફ્રેન્ડ સાથે જોડાયા પહેલા આ મહિલા તેની મહિલા મિત્ર સાથે ઘણા સમય સુધી સાથે રહેતી હતી. એટલું જ નહીં મહિલા પોતાની ફ્રેન્ડને પોતાના કોલેજના દિવસોથી જાણે છે. આ ત્રણેયની ઉંમર પચ્ચીસ વર્ષની આસપાસ છે. મહિલાનું કહેવુ છે કે, તેમની ભાવનાઓ બંને માટે એક જેવી જ છે અને તે બંને સાથે રિલેશનશિપમાં રહેવા માગે છે.
ત્રણેય ખુબ ખુશ છે
આ સંબંધોમાં નવો વળાંક ત્યારે આવ્યો જ્યારે એક મહિલાએ એલાન કર્યુ કે, તે લગ્ન કરશે. તેનો અર્થ એવો થાય છે કે, મહિલા પોતાની દોસ્ત સાથે પણ લગ્ન કરશે અને બોયફ્રેન્ડ સાથે પણ લગ્ન કરશે. આ ત્રણેય ખુબ ખુશ છે. રિપોર્ટમાં જણાવ્યા અનુસાર સોશિયલ મીડિયા અકાઉન્ટના હવાલેથી અમુક તસ્વીર પોસ્ટ કરવામા આવી છે, જેમાં તેઓ ખૂબ ખુશ છે.