અમદાવાદ / માતેલા સાંઢની માફક આવેલી કારે સર્જ્યો અકસ્માત, મહિલા રાહદારીનું કમકમાટી ભર્યું મોત 

• શહેરના હાંસોલમાં ગંભીર અકસ્માત
• અકસ્માતમાં રાહદારી મહિલાનું મૃત્યુ
• કારની ટક્કર બાદ મહિલા હવામાં ફંગોળાઈ

અમદાવાદના હાંસોલ વિસ્તારમાં અકસ્માતની ઘટના સામે આવી છે જેમાં એક રાહદારી મહિલાનું મોત નિપજ્યું છે, પૂરપાટ ઝડપે આવી રહેલી એક કારે મહિલાને અડફેટે લેતા મહિલાને ગંભીર ઈજા થઈ હતી, કારે મહિલાને ટક્કર મારતા જ મહિલા હવામાં ફંગોળાઈ હતી જેમાં તેના માથાના ભાગે ગંભીર ઈજા થતા તેનું ઘટના સ્થળે જ મોત નિપજ્યું છે. 

અકસ્માતમાં રાહદારી મહિલાનું મૃત્યુ

જો કે અકસ્માત બાદ કાર ચાલક ત્યાંથી કાર મુકીને ફરાર થઈ ગયો છે. મહત્વનું છે કે અકસ્માતની ઘટનાના સીસીટીવી પણ સામે આવ્યા છે જેમાં જોઈ શકાય છે કે કેવી રીતે એક કાર ચાલક પૂરપાટ ઝડપે મોતેલા સાંઢને જેમ કાર લઈને આવી રહ્યો છે, આ દરમિયાન કાર ચાલેક સ્ટેરિંગ પરથી કાબૂ ગૂમાવે છે અને સામે આવતી બીજી કારને અડફેટે લઈ લે છે તે પહેલા રસ્તા પરથી પરસાત થતા એક મહિલા રાહદારીને અડફેટનો ભોગ લે છે, મહિલાની કાર સાથે ટક્કર થતા તે હવામાં ફંગોડાઈ જાય છે અને તેનું મોત નિપજ્યે છે, જો કે સમગ્ર મામલે પોલીસને જાણ કરતા પોલીસ કાફલો ઘટના સ્થળે આવી પહોંચ્યો હતો અને અકસ્માતનો ગુનો નોંધી આગળી તપાસ કાર્યવાહી હાથ ધરી હતી. 

કારની ટક્કર બાદ મહિલા હવામાં ફંગોળાઈ

દેશ અને રાજ્યમાં અકસ્માતમાં મુત્યુ પામનાર લોકોની સંખ્યમાં દિવસે દિવસે વધારો થઈ રહ્યો છે, રોડ પર બેફાન રીતે વાહન હંકારવું, રોડ રસ્તા પર ટ્રાફિકના નિયમો નેવે મુકી વાહન ચાલકો બેફામ બનાતા હોય છે, કેટલીક વાર તો વાહન ચલાવતા જ મોબાઈલ ફોનનો ઉપયોગ કરતા નજરે પડતા હોય છે, ત્યારે અકસ્માતના આવા કિસ્સાઓનું પ્રમાણ વધી જતું હોય છે, રોડ પર પોતાની સાથે અન્ય લોકોની સલામતી સાથે વાહન ચલાવવું તે સૌની ફરજ અને જવાબદારી બને છે, ત્યારે જો આવી વાતે સૌ કોઈ સમજવા લાગે તો અકસ્માતના ઘટાડો થઈ શકે છે. અમદાવાદના હાંસોલ વિસ્તારમાં કાર સર્જેલા અકસ્માતમાં મહિલા રાહદારીનો મોત થતા, પરિવારજોનામાં મોતનો માતમ છવાઈ ગયો છે. જ્યારે પોલીસે પણ કાર ચાલક સામે ગુનો નોંધી આગળની તપાસ કાર્યવાહી હાથ ધરી છે