ઘટના / ત્રણ તલાક બાદ પતિએ પોસ્ટ કર્યો અશ્લીલ વીડિયો, વાયરલ થતા દુખી પત્નીએ ભર્યું પગલું, આરોપી ફસાયો

• યુપીના મુઝફ્ફરનગરની ઘટના
• શખ્સે 25 વર્ષીય પત્નીને ત્રણ તલાક કહીને છૂટાછેડા લીધા
• પતિએ પત્નીનો અશ્લીલ વીડિયો શેર કર્યો
• દુખી પત્નીએ આત્મહત્યા કરી લેતા
• પોલીસે આરોપી સામે ખૂનનો ગુનો દાખલ કર્યો
• આરોપીની ધરપકડ કરી 

માનવતાને શર્મસાર કરતી આ ઘટનામાં એક પતિએ પત્નીને ત્રણ વાર તલાક કહીને લગ્નજીવનનો અંત આણ્યો ત્યાર બાદ પત્નીનો અશ્લીલ વીડિયો વાયરલ કરી દીધો. આ ઘટનાની દુખી પત્નીએ આત્મહત્યા કરી લેતા પોલીસે તેની સામે હત્યાનો ગુનો દાખલ કર્યો છે. 

મુઝફ્ફરનગરના કિશનપુરની ગામની આ ઘટના છે. પોલીસ ઈન્ચાર્જ દીપક ચતુર્વેદીએ જણાવ્યું કે આરોપી અને મહિલાના ચાર વર્ષ પહેલા લગ્ન થયા હતા. તેમને 18 મહિનાનો પુત્ર પણ છે. લગભગ ત્રણ મહિના પહેલા આરોપીએ પત્નીને ત્રણ તલાક આપી દીધા. તલાક બાદ મહિલા પુત્ર સાથે પિયર જતી રહી હતી. 

પત્ની પિયરે જતી રહી  
પોલીસે જણાવ્યું કે આરોપીએ લગભગ ત્રણ મહિના પહેલા ત્રિપલ તલાક કહીને તેની પત્ની સાથેના સંબંધો તોડી નાખ્યા હતા. પતિએ ત્રિપલ તલાક આપ્યા બાદ મહિલા તેના બાળક સાથે કિશનપુર ગામમાં તેના માતા -પિતા સાથે રહેવા ગઈ હતી.

18 મહિનાના દીકરાને સાથે લીધો
આ કેસમાં 18 ઓગસ્ટના રોજ નોંધાયેલી ફરિયાદ અનુસાર, મહિલાએ તેના પતિ પર ત્રિપલ તલાક આપવાનો અને તેની પાસેથી પુત્રને બળજબરીથી છીનવી લેવાનો આરોપ લગાવ્યો હતો. આરોપ છે કે પતિએ તેની પત્નીનો અશ્લીલ વીડિયો સોશિયલ મીડિયા પર પોસ્ટ કર્યો હતો.

આરોપીઓ સામે કેસ નોંધાયો
ચતુર્વેદીએ કહ્યું કે પોલીસ આ મામલાની તપાસ કરી રહી હતી જ્યારે આરોપીઓએ કથિત રીતે મહિલાનો અશ્લીલ વીડિયો સોશિયલ મીડિયા પર મૂક્યો હતો, ત્યારબાદ મહિલાએ ઝેર પીને આત્મહત્યા કરી હતી. તેમણે કહ્યું કે આરોપીઓ સામે કેસ નોંધવામાં આવ્યો છે.