વિરાંગના / બિહારમાં ઘરમાં ઘુસી મહિલા પર બળાત્કાર, પીડિતાએ તેજાબથી આરોપીનો ચહેરો બાળી નાખ્યો

બિહારના ભોજપુર જિલ્લામાં ભયાનક કાંડથી થથરી ગયું છે. અહીં ઘરમાં ઘુસીને સંબંધીઓએ ભાભીની સાથે દુષ્કર્મ કરવા અને પીડિતાની તરફથી પીડિતા પર તેજાબ ફેંકવાનો મામલો સામે આવ્યો છે. સમગ્ર ઘટના ઉદવંતનગર પોલીસ સ્ટેશન વિસ્તારના ગામની સોમવારે રાત્રે કરી છે. આરોપી તે જ ગામનો નિવાસી મહેન્દ્રસિંહ ઉર્ફે મહેન્દ્ર યાદવ છે. એસિડ એટેકમાં તેનો ચહેરો અને આંખોને નુકસાન પહોંચ્યું છે. પોલીસ અભિરક્ષામાં તેની સારવાર સદર હોસ્પિટલમાં કરાવાઇ રહી છે. બીજી તરફ માહિતી મળતાની સાથે જ પોલીસની સાથે એફએસએલની ટીમ ઘટના સ્થળ પર પહોંચી હતી.

પતિ દિલ્હીમાં અને મહિલા ગામડે રહે છે

એફએસએલની ટીમ ઘટના સ્થળથી સેમ્પલ કલેક્ટ કરીને આ મામલે તપાસ કરી રહી છે. ઘટના અંગે જણાવ્યું કે, પીડિતાનો પતિ દિલ્હીમાં પ્રાઇવેટ કંપનીમાં કામ કરે છે. તે પોતાનાં બે બાળકો સાથે ગામમાં રહે છે. સોમવારે રાત્રે તે ઘરે પોતાના બાળકો સાથે બેઠી હતી. ત્યારે આરોપી તેના ઘરમાં ઘુસી ગયો અને દુષ્કર્મની ઘટના બની હતી. ઘટના બાદ આક્રોશિત પીડિતાએ ઘરમાં રહેલી એસિડની બોટલ આરોપીના ચહેરા પર ફેંકી હતી. જેમાં તેનો ચહેરો સળગી ગયો હતો.

પીડિતાએ બળાત્કારીનો ચહેરો એસિડથી બાળી નાખ્યો

ત્યાર બાદ પીડિતાએ ઉદવંતનગર પોલીસ સ્ટેશનમાં મહેન્દ્રસિંહ ઉર્ફે મહેન્દ્ર યાદવની વિરુદ્ધ નામજોગ ફરિયાદ દાખલ કરાવાઇ છે. પોલીસે ત્વરિત કાર્યવાહી કરતા આરોપિની ધરપકડ કરી છે. ઘટના સ્થળ પર એફએસએલની ટીમ પહોંચી અને ઘટના સ્થળના સ્થળ પરથી પુરાવા એકત્રીત કર્યા હતા. બીજી તરફ આ મામલે પોલીસ સ્ટેશન ઇન્ચાર્જે જણાવ્યું કે, મહિલાએ પોતાના જ દિયર પર ઘરમાં ઘુસીને બળાત્કારની ફરિયાદ દાખલ કરાવી છે. ત્યાર બાદ આરોપીઓની ધરપકડ કરી લેવાઇ છે. બીજી તરફ પીડિતાની મેડિકલ તપાસ કરાવાઇ છે. પીડિતાનું કોર્ટમાં 164 અંતર્ગત નિવેદન નોંધાયું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ