ઈંગ્લેન્ડમાં રહેતી મહિલાને હંમેશા તેની આજુબાજુ ભૂતો હોવાનો આભાસ થતો હતો અને એક દિવસ તેની સાથે અજીબ ઘટના બની હતી.
ન્હાતી વખતે મહિલા પર ભૂતે કર્યો હમલો
એક્સપર્ટે ભૂતને બીજી દુનિયામાં મોકલી દીધો
લિયાહને કેટલાક સમયથી પડછાયા દેખાતા હતા
ભૂતો છે કે નહીં એ બાબત વર્ષોથી છે ચર્ચાનો વિષય
કેટલાક લોકો માને છે કે ભૂતો હકીકતમાં હોય છે અને કેટલાક લોકો તેની વિરુદ્ધમાં છે. આ ચર્ચા તો વર્ષોથી ચાલી રહી છે. તેવા લોકો પણ આ દુનિયામાં છે કે જેમને તેમની આસપાસ પેરાનોર્મલ એક્ટિવિટી થવાનો એટલે કે ભૂત હોવાનો એહસાસ થાય છે. તમને જાણીને નવાઈ લાગશે કે, કેટલાક લોકો તો એવા પણ છે કે જે ભૂતો સાથે વાત કરીને ભૂતોને તેમની દુનિયામાં પાછા મોકલવા માટે મદદ કરે છે. ઈંગ્લેંડમાં રેહતી એક મહિલાને આવા જ એક એક્સપર્ટની મદદ લેવી પડી હતી.
ઈંગ્લેન્ડમાં રેહતી લિયાહ લુઈસે આ વાતનો દાવો કર્યો છે કે, તેના ઘરમાં ભૂત છે. લિયાહ શરૂઆતમાં તો ભૂતની હરકતોને નકારતી હતી પરંતુ એક દિવસ લિયાહ ન્હાતી હતી ત્યારે ભૂતે અચાનક જ લિયાહ પર હુમલો કરી દીધો. ત્યારબાદ લિયાહે ભૂતથી છુટકારો મેળવવા માટે ઇયાન ગ્રિફિથ્સ કે જે પેરાનોર્મલ એક્સપર્ટ છે તેને ઘરે બોલાવ્યો. લિયાહ જ્યારે બાથરૂમમાંથી બહાર નીકળી ત્યારે તેના શરીર ઉપર વાગ્યાના નિશાન હતા તે જોઈને લિયાહની મમ્મીને ખાતરી થઈ ગઈ કે, ચોક્કસ જ તેમના ઘરમાં ભૂતનો વાસ છે.
કબાટમાંથી અજીબ અવાજો આવતા હતા
ઇયાન ગ્રિફિથ્સ જ્યારે લિયાહના ઘરે પહોંચ્યો ત્યારે તેને લિયાહની મમ્મીના રૂમના કબાટમાં કંઇક હોવાનો ભાસ થયો, લિયાહે જણાવ્યું કે, ઘણીવાર કબાટમાંથી અજીબ અવાજો આવતા હતા. તપાસ કર્યા બાદ ખબર પડી કે, લિયાહ જે દુકાન પર કામ કરતી હતી ત્યાં વર્ષો પેહલા એક ગુસ્સાવાળા યુવકની હત્યા કરવામાં આવી હતી માટે આ ભૂત એ જ યુવકનું હોવાની આશંકા છે.
લિયાહને કેટલાક સમયથી પડછાયા દેખાતા હતા
છેલ્લા ઘણા સમયથી લિયાહને અલગ અલગ લોકોનો પડછાયો દેખાતો હતો પરંતુ લિયાહની મમ્મીને કોઈપણ ભાસ નહતો થતો જેથી લિયાહ ખૂબ જ ગભરાવા લાગી હતી. લિયાહ પર જ્યારે 2 વાર આ રીતે હમલો થયો ત્યારે તેણે એક્સપર્ટની સલાહ લેવાનો વિચાર કર્યો. ઇયાન ગ્રિફિથ્સે પોતાની શક્તિઓની મદદથી આત્માને બીજી દુનિયામાં મોકલી દીધી છે.