સર્વાંગી વિકાસના દાવા સાથે સત્તામાં આવેલા તાલિબાનની મહિલા વિરોધી માનસિકતા છતી થઈ છે.
તાલિબાનની મહિલા વિરોધી માનસિકતા છતી થઈ
પ્રવક્તાએ કહ્યું મહિલાઓનું કામ ફક્ત બાળકો પેદા કરવાનું
સરકારમાં મંત્રી તો ક્યારેક ન બની શકે
મહિલાઓને સરકારમાં સ્થાન આપવાની વાત તો દૂર પરંતુ હવે તાલિબાન મહિલાઓની સામે પણ હલકા પ્રકારની ટીપ્પણીઓ કરવા લાગ્યા છે. અફઘાનિસ્તાનની નવી સરકારમાં મહિલાઓના મંત્રી ન બનાવવાના મુદ્દે દેખાવ થઈ રહ્યાં છે. ત્યારે તાલિબાની પ્રવક્તાએ મહિલાઓનું અપમાન કરતું સ્ટેટમેન્ટ આપ્યું છે.
સ્થાનિક મીડિયાએ તાલિબાનને ટાંકીને દાવો કર્યો કે તાલિબાને કહ્યું છે કે અફઘાનિસ્તાનની નવી સરકારમાં કોઈ મહિલાને મંત્રી નહીં બનાવવામાં આવે, તેમને બાળકો પેદા કરવા જોઈએ.
મહિલાઓનું કામ બાળકો પેદા કરવાનું છે, મંત્રી બનવાનું નથી-તાલિબાની પ્રવક્તા
ટોલો ન્યૂઝે તાલિબાની પ્રવક્તાને ટાંકીને ટ્વિટ કરીને જણાવ્યું કે એક મહિલા મંત્રી ન હોઈ શકે, આ એવું છે કે જેવું તમે તેમના ગળામાં કંઈ નાખો છો તો તે સંભાળી શકતી નથી. એક મહિલાનું કેબિનેટમાં હોવું જરુરી નથી. મહિલાઓએ બાળકો પેદા કરવા જોઈએ. મહિલા પ્રદર્શનકારી આખા અફઘાનિસ્તાનમાં પ્રતિનિધિત્વ ન કરી શકે.
મહિલાઓ ઠેકઠેકાણે દેખાવ કરીને સરકારમાં હિસ્સેદારીની માગ કરી રહી છે
ઉલ્લેખનીય છે કે અફઘાનિસ્તાનમાં મહિલાઓ તાલિબાની શાસનની સામે વિરોધ કરી રહી છે. મહિલાઓ ઠેકઠેકાણે દેખાવ કરીને સરકારમાં હિસ્સેદારીની માગ કરી રહી છે.