વડોદરામાં મહીલાને બ્લેકમેઈલ કરતો યુવક ઝડપાયો છે. ફેસબુક પર મિત્રતા કેળવી મહિલાને બ્લેકમેઈલ કરતો હતો. નિકુંજ સોની નામના શખ્સની ક્રાઈમ બ્રાન્ચે ધરપકડ કરી છે.
મહિલા પાસેથી આ યુવકે 12 લાખ રોકડા પચાવી પાડ્યા હતાં. સોના-ચાંદીના દાગીના અને બેંકના કોરા ચેક પણ પડાવ્યા હતાં. તેમજ મહિલાને જાનથી મારી નાખવાની ધમકી આપી હતી. ક્રાઈમ બ્રાન્ચે આરોપી પાસેથી 5 લાખ 15 હજારનો મુદ્દામાલ પણ કબ્જે કર્યો હતો.
સોશિયલ મીડિયાના માધ્યમથી અનેક લોકો છેતરાયા હોવાના દાખલા છે. ત્યારે ફેસબુક દ્વારા પણ છેતરપીંડીના કેસ સામે આવે છે. ત્યારે વડોદરામાં પણ એક એવો કિસ્સો બન્યો છે. જેમાં ફેસબુક પર નિકુંજ સોની નામના યુવકે યુવતી સાથે મિત્રતા કેળવી, લાગણીભર્યા સંબંધો બાંધી બ્લેકમેઈલ કરવાનું શરૂ કર્યું હતું. ત્યારબાદ યુવકે યુવતી પાસેથી લાખો રૂપિયા પડાવ્યા હતા. સાથે સોના-ચાંદીના દાગીના અને બેંકના ચેક પણ પડાવ્યા હતા. આમ, મહિલા સાથે મિત્રતા કેળવી યુવતી સાથે લાખોની ઠગાઇ કરી હતી.
મહત્વનું છે કે આ યુવક નડિયાદનો રહેવાસી છે, જ્યારે મહિલા વડોદરાની છે. આ બન્ને વચ્ચે ફેસબુક દ્વારા મિત્રતા થઇ હતી. યુવકે પોતે બેંકમાં નોકરી કરતો હોવાનું જણાવ્યું હતું. ત્યારબાદ મહિલાને વિશ્વાસમાં લઇને લાખો રૂપિયા પડાવી લીધા અને મહિલાને જાનથી મારી નાખવાની ધમકી આપી હતી.