ધતિંગ ભુવાએ મહિલાની દોરા-ધાગા બાંધવાના બહાને પહેલા છેડતી કરી અને પછી અશ્લીલ માગણી કરી
અમદાવાદમાં અંતે ઢોંગીની ધરપકડ
મહિલાની વિધીના નામે કરી હતી છેડતી
ઈમ્તિયાઝ નામના ભુવાની ધરપકડ
અમદાવાદના વેજલપૂરમાં બનેલી આ ઘટના તમારા માટે ખતરાનું નિશાન છે. જો તમે ભુવા ભૂવૈયા માની રહ્યા છો તો આંખ ઉઘાડીને જોઈ લો કાલે તમારા કે તમારા પરિવાર સાથે આ ઘટનાનું પુનરાવર્તન થઈ શકે છે. ઢોંગી ભુવાઓની જમાત ભેગી થઈ તમને અને તમારા પરિવારને નુકસાન પહોંચાડી રહી છે. આવું જ કઈક અમદાવાદના વેજલપુરમાં બન્યું છે. મહિલાની દોરા-ધાગા બાંધવાના બહાને છેડતી કરાઇ છે.
સંતાન પ્રાપ્તિ માટે શારીરિક સબંધ રાખવા કરી હતી માંગ
સંતાન કોણે ન જોઈતો હોય, પરિવારનો વંશ આગળ વધે તેની ઘેલસા કોને ન હોય, પણ એ માટે અંધ શ્રધ્ધા રાખી જાતે જ તેના ખપ્પરમાં હોમાવું એ ઘેલછા નહીં તમારી ભૂલ છે. અમદાવાદના વેજલપુર વિસ્તારમાં રહેતી પરિણીતા સંતાન પ્રાપ્તિનાની દુખ સાથે ભુવા પાસે જઈ. ઈમ્તિયાઝ નામનો ભુવો તેનો દૂરનો કુટુંબી જ હતો. મહિલાએ પોતાનું સંતાન પ્રાપ્તિનું દુખ ભુવા સમક્ષ રજૂ કર્યું.. પણ નાલાયક ભુવાના મનમાં અલગ ઘેલછા જાગેલી હતી પહેલા દોરા-ધાગા બાંધવાના બહાને છેડતી કરી હતી. બાદમાં ત્યાંથી ન અટકતા મહિલાને સંતાન પ્રાપ્તિ માટે શારીરિક સંબંધ રાખવાની માંગ કરી હતી. મહિલા તરત જ સમજી ગઈ કે ઢોંગી ઈમ્તિયાઝ ભુવો તેને બદનામ કરી નાખશે. મહિલાએ હિમત કરી ત્યાંથી બહાર આવી ગઈ, કોઈ પણ જાતના ડર વગર કોઈ મહિલા ઢોંગી ભુવાની વાતમાં ન આવે એટલે તરત પોલીસ સ્ટેશન જઈ છેડતીની ફરિયાદ કરી.
પોલીસ ફરિયાદ કરતાં ઢોંગી ભુવાની ધરપકડ
આ અંગે મહિલાએ વેજલપુર પોલીસ સ્ટેશનમાં ફરિયાદ નોંધાવી હતી. કુટુંબમાં થતા ભુવાની બ્લેકમેઈલીંગથી મહિલાએ કંટાળીને પોલીસ સ્ટેશનના દરવાજા ખખડાવ્યા હતાં. વારંવાર મહિલાને કુટુંબમાં થતો ઈમ્તિયાઝ નામનો ભુવો અશ્લીલ માગણી કરી રહ્યો હતો. બાદમાં પોલીસ સમક્ષ મહિલાએ ફરિયાદ નોંધાવી આપવીતી રજૂ કરી, આખરે ઈમ્તિયાઝ નામના ભુવાની વેજલપુર પોલીસે ધરપકડ કરી છે. બીજી કોઈ મહિલાને ભોગ બનાવી છે તેની પૂછપરછ ચાલી રહી છે. હાલ તો ઢોંગી ભુવો જેલના સળિયા ગણી રહ્યો છે. પણ આ કિસ્સો તમને સાવધાન કરી રહ્યો છે કે તમે અંધશ્રદ્ધા રાખી કોઈની વાતમાં ન આવો. જે માનતા હોય તે ધર્મ અને ભગવાન પર ભરોસો રાખી જીવન જીવો. સંતાન પ્રાપ્તિ ઢોંગી ભુવાના હાથમાં નથી એ તો ચાર હાથે દેનાર ઈશ્વર કે અલ્લાહના હાથમાં છે.