OMG / તું કાળી છે અને ખરાબ લાગે છે... પતિનાં મહેણાં સાંભળીને પત્નીએ ગુપ્તાંગ વાઢી નાખ્યુ, પછી શું થયું જુઓ

• પત્નીને કદરૂપી કહેતો હતો પતિ 
• વારંવાર રંગને લઈને મારતો ટોણા 
• ગુસ્સે ભરાયેલી પત્નીએ ભર્યુ આવું પગલું 

છત્તીસગઢના દુર્ગ જિલ્લામાં એક 30 વર્ષીય મહિલાએ કથિત રીતે તેના પતિની કુહાડી વડે હત્યા કરી નાખી છે કારણ કે પત્ની તેના કાળા રંગ અંગે પતિના સતત ટોણા મારવાથી નારાજ હતી. હત્યા બાદ આરોપી મહિલાએ તેના પતિના પ્રાઈવેટ પાર્ટ પણ કાપી નાખ્યા હતા. પોલીસે આરોપી મહિલાની ધરપકડ કરી છે.

પોલીસે કરી ધરપકડ 
મંગળવારે આ અંગે માહિતી આપતા પોલીસે જણાવ્યું કે મૃતકની ઓળખ અમલેશ્વર ગામના રહેવાસી અનંત સોનવાણી (40) તરીકે થઈ છે. પોલીસ સબ-ડિવિઝનલ ઓફિસર દેવાંશ રાઠોડે જણાવ્યું હતું કે પોલીસે સોમવારે રાત્રે તેના પતિ અનંત સોનવાણીની હત્યાના આરોપમાં આરોપી મહિલા સંગીતા સોનવાણીની ધરપકડ કરી હતી.

પતિ વારંવાર કાળા રંગને લઈને મારતો હતો ટોણા 
પ્રાથમિક તપાસમાં પીડિત અનંત સોનવાણી તેની પત્નીને કદરૂપી કહીને બોલાવતો હતો અને તેના કાળા રંગને લઈને ઘણી વાર તેને ટોણા મારતો હતો. તેણે જણાવ્યું કે આ બાબતને લઈને દંપતી વચ્ચે ભૂતકાળમાં ઘણી વખત ઝઘડો થયો હતો.

પતિના પ્રાઈવેટ પાર્ટ કાપી નાખ્યા 
અધિકારીએ જણાવ્યું કે રવિવારે રાત્રે પણ દંપતી વચ્ચે ઝઘડો થયો હતો અને ગુસ્સામાં સંગીતાએ કથિત રીતે ઘરમાં રહેલી કુહાડી વડે તેના પતિ પર હુમલો કર્યો હતો અને તેનું ઘટના સ્થળ પર જ મોત થયું હતું. મહિલાએ કથિત રીતે તેના પતિના પ્રાઈવેટ પાર્ટ પણ કાપી નાખ્યા હતા.

ગામના લોકોને કહ્યું કોઈએ બીજાએ કર્યું છે મર્ડર 
અધિકારીએ કહ્યું કે આરોપીએ બીજા દિવસે સવારે એવું કહીને ગ્રામજનોને ગેરમાર્ગે દોરવાનો પ્રયાસ કર્યો કે કોઈએ તેના પતિની હત્યા કરી છે, પરંતુ બાદમાં પોલીસ પૂછપરછ દરમિયાન તેણે ગુનો કબૂલ કર્યો હતો. તેણે કહ્યું કે પીડિતે તેની પહેલી પત્નીના મૃત્યુ બાદ આરોપી સંગીતા સાથે બીજા લગ્ન કર્યા હતા.

રાઠોડે જણાવ્યું હતું કે મહિલા પર IPC કલમ 302 (હત્યા) અને અન્ય સંબંધિત જોગવાઈઓ હેઠળ ગુનો નોંધવામાં આવ્યો છે અને વધુ તપાસ ચાલુ છે.