ચીન અને પાકિસ્તાનનું નામ લીધા વગર રક્ષામંત્રી રાજનાથ સિંહે તેમને સંદેશ આપ્યો. જેમા તેમણે કહ્યું કે જો ભારતની જમીન પર કબ્જો કર્યો તો સામે કડક ભાષામાં જવાબ મળશે
ચીન અને પાકિસ્તાનને રક્ષામંત્રીનો સિધો સંદેશ
અમારી જમીન હડપી તો કડક ભાષામાં આપીશું જવાબ
નામ લીધા વગર ચીન અને પાકિસ્તાનને સીધો સંદેશ
રક્ષામંત્રી રાજનાથ સિંહે ભારતના પાડોશી દેશોને લઈને મોટું નિવેદન આપ્યું. જેમા તેમણે કહ્યું કે ભારત તેના પાડોશી દેશો સાથે સારા સંબંધ ઈચ્છે છે પરંતુ જો કોઈએ પણ ભારતની જમીનને હડપવાનો પ્રયાસ કર્યો તો તેને કડક ભાષામાં જવાબ મળશે. રક્ષામંત્રીએ આ નિવેદન ચીન પાકિસ્તાનને લઈને આપ્યું હતુ જોકે તેમણે નામ લીધા વગરજ આ બંને દેશોને સીધો સંદેશો આપી દીધો હતો.
પાડોશીઓ સાથે સંબંધ રાખવા તે ભારતની સંસ્કૃતિ : રાજનાથ સિંહ
ગતરોજ રક્ષામંત્રી રાજનાથસિંહ શહિદ સન્માન યાત્રામાં બીજા ચરણને લઈને ઉત્તરાખંડ ગયા હતા. જ્યા તેમણે આ નિવેદન આપ્યું હતું. સાથેજ તેમણે એવું પણ કહ્યું હતું કે ભારતે આજ સુધી કોઈ પણ દેશ પર હુમલો નથી કર્યો. ન તો ભારતે કોઈ વિદેશી જમની પર કબ્જો કર્યો છે. સાથેજ તેમણે કહ્યું હતું કે પાડોસિયો સાથે સારા સબંધ રાખવા તેજ ભારતની સંસ્ક઼ૃતિ છે. જોકે અમુક લોકો આ વાતને નથી સમજતા જેથી મને ખબર નથી પડતી કે આ તેમની આદત છે કે તેમનો સ્વભાવ છે.
સર્જિકલ સ્ટ્રાઈક અને એર સ્ટ્રાઈકનો ઉલ્લેખ
પાકિસ્તાનનું નામ લીધા વગર તેમણે કહ્યું કે આતંકવાદી ગતિવિધિઓ દ્વારા તે ભારતને અસ્થિર કરવાનો પ્રયાસ કરે છે. જેથી આ મામલે તેમણે કહ્યું કે પશ્ચિમી સીમા પર પાડોશી દેશોને અમે સ્પષ્ટ સંદેશ આપી દીધો છે. જેમા તેમને કહી દેવામાં આવ્યું છે કે જો બોર્ડર પાર કરશો તો અમે પલટવાર કરીશું સાથેજ તેમના વિસ્તારમાં ઘુસીને સર્જિકલ સ્ટ્રાઈક તેમજ હવાઈ હુમલા પણ કરીશું.
ચીનનું નામ લીધા વગર તેને સ્પષ્ટ સંદેશ
ચીનનું નામ લીધા વગર રક્ષામંત્રીએ કહ્યું આપણો એક પડોસી દેશ છે જે સમજી નથી રહ્યો. સાથેજ રાજનાથ સિંહે એવું પણ કહ્યું કે અમે તે દેશને સ્પષ્ટ કરી દેવા માગીએ છે કે વિશ્વના કોઈ પણ દેશે અમારી એક ઈચ જમીન પણ હડપવાનો પ્રયાસ કર્યો તો ભારત તેને કડક ભાષામાં જવાબ આપશે.
1971ની જીતને કરી યાદ
ઉલ્લેખનીય છે કે રક્ષામંત્રીએ 1971માં ભારતની જે જીત થઈ હતી તે જીતને યાદ કરતા કહ્યું કે તે જીત વીશે વિશ્વ માહિતગાર છે. જેથી પાડોશી દેશોને ચેતવણી આપતા તેમણે કહ્યું કે તેઓ કોઈ ભ્રમમાં ન રહે.