જો તમને ઉધાર પૈસાની જરૂર હોય અને પેટીએમ એપનો ઉપયોગ કરો છો તો તમારા માટે એક નવી ખુશખબરી છે. હવે પેટીએમ વોલેટનો ઉપયોગ કરનાર લોકોને પેટીએમ 60 હજાર સુધી ઉધાર પણ આપશે.
જી હાં પેટીએમએ એક નવી યોજના શરૂ કરી છે. આ યોજના હેઠળ હવે જો તમને મોબાઇલ અથવા ડીટીએચ રિચાર્જ કરવું હોય ફિલ્મ જોવા જવી હોય અથવા પેટીએમ મોલથી સેવિંગ કરવું હોય તો તમારે રોકડ ખર્ચ કરવાની જરૂર નથી. કારણ કે હવે પેટીએમ પર ઉધાર ખાતુ શરૂ થઇ ગયું છે. તમે આખો મહિનો 60 હજાર રૂપિયા સુધી ખર્ચ કરી શકો છો.
માત્ર તમે ચુકવણી મંથલી મોડમાં કરતા રહો. પેટીએમએ આ નવી યોજનાને પેટીએમ પોસ્ટપેડ નામ આપ્યું છે. હાલમાં પેટીએમ તરફથી આ સર્વિસની સુવિધા સિલેક્ટેડ લોકો માટે જ છે. આ સર્વિસ દ્વારા પેટીએમ વોલેટનો ઉપયોગ કરનાર યૂઝર 60 હજાર રૂપિયા સુધીનો પહેલો ખર્ચ કરી શકે છે. બાદમાં બેંકને ચુકવણી કરી શકે છે.
પેટીએમ વોલેટની આ સર્વિસ હેઠળ યૂઝર મોબાઇલ રિચાર્જ ડીટીએચ કનેક્શન રિચાર્જ ફિલ્મોની ટિકીટ્સ બુકિંગ અને પેટીએમ ઓનલાઇન માર્કેટપ્લેસ પર શોપિંગ જેવી સુવિધાનો ફાયદો ઊઠાવી શકે છે.
આ સર્વિસમાં ક્રેડિટ લીમિટ 60 000 રૂપિયા છે.
જ્યારે તમે આ સર્વિસનો ઉપયોગ કરશો તો ત્યારબાદ તમને પેટીએમ તરફથી મહિનાની પહેલી તારીખે બિલ મોકલવામાં આવશે. મહિનાની સાતમી તારીખ સુધી બિલનું પેમેન્ટ કરવા પર કોઇ પણ પ્રકારનું વ્યાજ કે એક્સ્ટ્રા ચાર્જ લાગશે નહીં. પેમેન્ટ ડિફોલ્ટના કેસમાં અકાઉન્ટ ડિએક્ટિવ કરવામાં આવશે.
આવી રીતે કરો સર્વિસ એક્ટિવેટ
આ સર્વિસનો લાભ ઊઠાવવા માટે તમારે કંઇ કરવાનું નથી તમારે માત્ર પેટીએમ એપમાં લોગિન કરવાનું છે. ત્યારબાદ તમારે પેટીએમ પોસ્ટપેડ બેનર પર ક્લિક કરવું પડશે. ત્યારબાદ 'Activate My Paytm Postpaid'બટન પર ટેપ કરીને આ સર્વિસને એક્ટિવેટ કરી શકાય છે.