લોલમલોલ / જે ગ્રાઉન્ડમાં ફટાકડા બજારની આગમાં બાળકનું મોત થયુ હતુ ત્યાં NOC વગર જ ફરી વેપાર શરૂ

• ફટાકડા વેચવા ફાયર સેફટી લાયસન્સ જ નથી લીધુ
• આ જ જગ્યા પાંચ વર્ષ પહેલા લાગી હતી આગ
• આગમાં બાળકનું થયુ હતુ મોત

દિવાળીમાં ફટાકડા ફોડવાની દરેક બાળકની ઈચ્છા હોય. અરે અબાલ વૃધ્ધ સૌમાં દિવાળીને લઈને અનેરો ઉત્સાહ જોવા મળી રહ્યો છે. સૌ કોઈ દિપોત્સવમાં પોતાનો આનંદ મનાવી રહ્યુ છે ત્યારે સુરક્ષા પણ એટલી જ જરૂરી છે. પણ વડોદરામા ફટાકડા બજારમાં જોખમી વેચાણ થઈ રહ્યુ છે. NOC વગર જ ફટાકડા બજાર શરૂ કરી દેવાઈ છે. 

ક્યાં શરુ કરવામાં આવ્યુ ફટકડા બજાર
વડોદરામાં પોલો ગ્રાઉન્ડમાં ફટાકડા બજાર શરૂ કરવામાં આવ્યુ છે. ફાયર વિભાગની મંજૂરી વગર ફટાકડા બજાર શરૂ કરાઈ છે. મેદાન ભાડે રાખનારે દુકાનો ભાડે આપી વેપાર શરૂ પણ કરી દીધો છે. વડોદરા ફાયર બ્રિગેડની હજુ સુધી NOC મળી નથી. 

બાળકનું થયુ હતુ મોત
આ જ ગ્રાઉન્ડ પર ફટાકડા બજારમાં આગ લાગી હતી. આ જ ગ્રાઉન્ડ પર પાંચ વર્ષ પહેલા આગ લાગી હતી જે આગમાં એક બાળકનુ મોત થયુ હતુ.