ગુડ ન્યુઝ / હવે UPIથી કરી શકશો રૂ. 5 લાખ સુધીનું પેમેન્ટ, RBIએ વધારી ટ્રાન્ઝેક્શન લિમિટ

રિઝર્વ બેંક ઓફ ઈન્ડિયા (RBI)ના ગવર્નર શક્તિકાંત દાસે તાજેતરમાં કેટલીક મહત્વપૂર્ણ જાહેરાતો કરી છે જે ભારતીય નાણાકીય વ્યવસ્થામાં મોટા ફેરફારો લાવી શકે છે. શક્તિકાંત દાસે ગુરુવારે UPI ટ્રાન્ઝેક્શનની મર્યાદાને લઈને મોટી જાહેરાત કરતાં UPI ટ્રાન્ઝેક્શન લિમિટ 5 ગણી વધારીને 5 લાખ રૂપિયા સુધીની કરી દીધી છે.

આરબીઆઈ ગવર્નરે UPIદ્વારા કર ચૂકવણીની મર્યાદા વર્તમાન રૂ. 1 લાખથી વધારીને રૂ. 5 લાખ કરવાની વાત કરી છે અને આ વિશે એમનું કહેવું છે કે આ પગલું વેપારીઓ અને ગ્રાહકો માટે મોટી રકમના ટ્રાન્ઝેક્શનને વધુ સરળ અને અનુકૂળ બનાવશે. UPI દ્વારા કર ચૂકવણીની મર્યાદા વધારવાથી ડિજિટલ પેમેન્ટને પ્રોત્સાહન મળશે અને કેશલેસ ઈકોનોમી તરફ વધુ એક પગલું ભરશે.

UPI ટ્રાન્ઝેક્શન મર્યાદામાં વધારો કરવાની આ જાહેરાત પહેલા 5 લાખ રૂપિયા સુધીના વ્યવહારો માટે IMPS, RTGS જેવા માધ્યમોની મદદ લેવામાં આવતી હતી. જો કે, બેંક ગ્રાહકો તેમના મોબાઈલ ફોનથી RTGS અને IMPS દ્વારા 5 લાખ રૂપિયા સુધીની લેવડદેવડ પણ કરી શકે છે પરંતુ આ માટે તેમની પાસે મોબાઈલ બેન્કિંગ કે ઈન્ટરનેટ બેન્કિંગ જેવી સુવિધાઓ હોવી જોઈએ.

વધુ વાંચો: EMIમાં કોઇ જ રાહત નહીં, સતત 9મી વાર રેપો રેટમાં કોઇ જ ફેરફાર નહીં, 6.50 પર રાખ્યો યથાવત્

પરંતુ જેમની પાસે મોબાઈલ બેંકિંગ અને નેટ બેંકિંગ જેવી સુવિધાઓ નથી, તેઓએ IMPS અને RTGS માટે પણ બેંકમાં જવું પડતું હતું. આવી સ્થિતિમાં, આરબીઆઈના આ નિર્ણયથી, હવે સામાન્ય લોકો પણ બેંકની મુલાકાત લીધા વિના UPIની મદદથી એક સમયે 5 લાખ રૂપિયા સુધી ટ્રાન્સફર કરી શકશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ