સરકારી જમીન NGOને આપવામાં આવશે અને સરકારી ખર્ચે આ જમીન પર NGO દ્વારા ફેન્સિંગ કરાવવામાં આવશે.આગામી સમયમાં આ યોજના સાકાર થશે અને ખેડૂતોની તકલીફ દૂર થશે.
જુનાગઢમાં ભાજપ પ્રદેશાધ્યક્ષ પાટીલ
રખડતા ઢોર મુદ્દે પાટીલનું મોટું નિવેદન
સરકારી જમીન NGOને આપી ફેન્સીંગ કરાશે
ગુજરાતના મહાનગરોમાં રઝળતા-રખડતા ઢોર એક કાયમી સમસ્યા છે. ભાજપના પ્રદેશ અધ્યક્ષ સી.આર.પાટીલે, જે તે મહ્નાગરોની મુલાકાત વેળા,સ્થાનિક મેયર અને જવાબદાર વહીવટી અધિકારીઓને આ મુદ્દે ટકોર તો કરી જ છે સાથે જ મહાનગરોએ સુચનોની અમલવારી પણ કરી દીધી છે. તો પશુપાલકોને પણ કડક ચેતવણી આપી છે. સાથે જ જુનાગઢમાં પાટીલે રખડતા ઢોર મુદ્દે એક નવી યોજના અંગે વાત કરી હતી, જેથી બહુધા આ સમસ્યા ખતમ થશે.
જમીન પર સરકારી ખર્ચે NGO દ્વારા ફેન્સિંગ
ભાજપ પ્રદેશ પ્રમુખ સી.આર.પાટીલ જૂનાગઢની મુલાકાતે છે. જૂનાગઢ ખેતીવાડી ઉત્પાદન બજાર દ્વારા આયોજિત કૃષિ ભવનના ભૂમિ પૂજન અને મહાખેડૂત શિબિરમાં હાજર રહ્યા હતા જે દરમિયાન તેમણે રખડતા ઢોરને લઈને નિવેદન આપ્યું છે. સી.આર.પાટીલે કહ્યું કે, સરકાર રખડતા ઢોરને લઈને નવી યોજના વિશે વિચારણા કરી રહી છે. આ યોજનાના ભાગરૂપે સરકારી જમીન NGOને આપવામાં આવશે અને સરકારી ખર્ચે આ જમીન પર NGO દ્વારા ફેન્સિંગ કરાવવામાં આવશે.આગામી સમયમાં આ યોજના સાકાર થશે અને ખેડૂતોની તકલીફ દૂર થશે.