ગુગલની પેરેન્ટ કંપની આલ્ફાબેટના સીઇઓ સુંદર પિચાઈએ મોબાઇલ અને પીસીના યુઝર્સને ચેતવણી આપી છે. સુંદર પિચાઇએ કહ્યું છે કે કોઈ પણ વેબસાઇટ પર લોગ ઇન કરવામાં પાસવર્ડ ચોરાઈ જવાનું જોખમ રહેલું છે. તેમણે આ અંગે ટ્વીટ કરતાં જણાવ્યું છે કે તેને ધ્યાનમાં રાખીને ગૂગલ ક્રોમ બ્રાઉઝર માટે એક પ્રોટેકશન ફિચર લોન્ચ કરવામાં આવ્યું છે. આ ફિચર અંગે ગુગલના જણાવ્યા મુજબ, જો યુઝર્સ માલવેર ધરાવતી કોઈ વેબસાઇટની મુલાકાત લેશે, તો તેમને બ્રાઉઝર જ રીઅલ-ટાઇમ ચેતવણી આપશે.
ગુગલની પેરેન્ટ કંપની આલ્ફાબેટના સીઇઓ સુંદર પિચાઈએ મોબાઇલ અને પીસીના યુઝર્સને ચેતવણી આપી
વેબસાઇટ પર લોગ ઇન કરવામાં પાસવર્ડ ચોરાઈ જવાનું જોખમ રહેલું છે
ગૂગલ ક્રોમ બ્રાઉઝર માટે એક પ્રોટેકશન ફિચર લોન્ચ કરવામાં આવ્યું છે
ફિશિંગ એ એક સોશિયલ એન્જિનિયરિંગ એટેક છે
પિચાઇએ તેમના ટવીટરમાં લખ્યું, છે કે માલવેરવાળી વેબસાઇટ્સની ચેતવણી આપવા ઉપરાંત રીઅલ-ટાઇમ ફિશિંગ પ્રોટેકશન વધુ મજબુત બનાવવામાં આવ્યું છે. ફિશિંગ એ એક સોશિયલ એન્જિનિયરિંગ એટેક છે. જેનો ઉપયોગ સામાન્ય રીતે ડેટાની ચોરી કરવા માટે થાય છે.આ ડેટામાં યુઝરના લોગઇનની વિગતો, ક્રેડિટ કાર્ડ નંબર સહિતની અનેક સંવેદનશીલ માહિતી સામેલ છે.
ગૂગલે પણ ક્રોમમાં બેટર પાસવર્ડ પ્રોટેક્શન્સ નામનો નવો બ્લોગ ઉમેર્યો છે. તેમાં જણાવાયું છે કે ગૂગલે પહેલીવાર આ ટેકનિકને પાસવર્ડ ચેકઅપ એક્સ્ટેંશન તરીકે રજૂ કરી હતી. ગત ઓક્ટોબરથી તે તમારા ગુગલ એકાઉન્ટમાં પાસવર્ડ ચેક કરવાની સિસ્ટમનો એક ભાગ બન્યો છે. જે તમને કોઈપણ સમયે તમારો પાસવર્ડ સ્કેન કરવાની પરમિશન આપે છે. આ સિસ્ટમને ક્રોમને બ્રાઉઝ કરવા ઉપરાંત ચેતવણી આપવા માટે રજૂ કરાઈ હતી. ગૂગલે દાવો કર્યો છે કે દરરોજ કરોડો યુઝર્સને ચેતવણી આપે છે કે તેઓ માલવેરથી પ્રભાવિત વેબસાઇટ્સની મુલાકાત લઈ રહ્યા છે.