ચેન્નાઈ ટેસ્ટમાં ઈંગ્લેન્ડને 317 રનથી હરાવ્યા બાદ વિરાટ કોહલીએ તેની કેપ્ટન્સીમાં ભારતમાં સૌથી વધારે મેચ જીતવાનાં મામલે પૂર્વ કેપ્ટન મહેન્દ્રસિંહ ધોનીની બરાબરી કરી લીધી છે.
આગામી ટેસ્ટમાં કોહલી ધોનીનો રેકોર્ડ તોડી શકે છે
ઘરમાં ટેસ્ટ મેચ જીતવાનાં રેકોર્ડની બરાબરી કરી
ધોનીએ 30 મેચમાં 21 જીત હાંસલ કરી હતી
ધોનીનાં નામે સૌથી વધારે ટેસ્ટ જીતવાનો રેકોર્ડ
ભારતે ઈંગ્લેન્ડને ચેન્નાઈ ટેસ્ટમાં રમાયેલ 4 ટેસ્ટ મેચની સિરીઝની બીજી ટેસ્ટમાં 317 રનથી કારમો પરાજય આપ્યો છે. સિરીઝની પહેલી મેચ ઈંગ્લેન્ડે 227 રનથી જીતી લીધી હતી. પણ બીજી મેચમાં ભારતે શાનદાર વાપસી કરીને મેચ જીતી લીધી છે. આ જીત સાથે જ ભારતીય ટીમનાં કેપ્ટન વિરાટ કોહલીએ પૂર્વ કેપ્ટન મહેન્દ્રસિંહ ધોનીએ ભારતીય ધરતી પર તેની કેપ્ટન્સીમાં સૌથી વધારે જીત હાંસલ કરવાનાં રેકોર્ડની સરખામણી કરી લીધી છે.
કોહલી ધોનીને પાછળ છોડી શકે છે
ભારતમાં કેપ્ટન્સીમાં સૌથી વધારે જીતનો રેકોર્ડ મહેન્દ્રસિંહ ધોનીનાં નામે છે. ધોનીએ ભારતમાં તેની કેપ્ટન્સીમાં 30 મેચોમાંથી 21 મેચમાં જીત અપાવી હતી. વિરાટ કોહલીએ આ મામલામાં ધોનીની સરખામણી કરતા હવે 29 મેચમાં 30 જીત હાંસલ કરી લીધી છે. કોહલી આગામી 2 ટેસ્ટ મેચોમાં ધોનીથી આગળ વધી શકે છે. આ બાબતે ત્રીજા ક્રમે મોહમ્મદ અઝરુદ્દીનનો સમાવેશ થાય છે જેમણે 20 મેચમાં 13 જીત હાંસલ કરી હતી.
પહેલી મેચની હારનો બદલો બીજી મેચ જીતીને લીધો
ભારત અને ઈંગ્લેન્ડ વચ્ચે ચેન્નાઈમાં રમાયેલ બીજી ટેસ્ટ મેચમાં ભારતીય ટીમે ઈંગ્લેન્ડને 317 રનથી હરાવીને શાનદાર જીત મેળવી હતી. જ્યારે પહેલી મેચમાં 227 રનથી ભારતને કારમી હાર સહન કરવી પડી હતી. પણ બીજી મેચમાં ભારતે શાનદાર વાપસી કરી હતી. બીજી ટેસ્ટમાં ભારત ઈંગ્લેન્ડ પર ત્રણેય ડિપાર્ટમેન્ટમાં ભારે રહ્યું હતું. આ જીત સાથે 4 મેચની સિરીઝમાં ભારતે 1-1ની બરાબરી કરી લીધી છે.
અશ્વિન માટે રહેશે બીજી ટેસ્ટ મેચ યાદગાર
ઈંગ્લેન્ડ વિરુદ્ધ બીજી ટેસ્ટ મેચમાં ભારતનાં ઓલરાઉન્ડર રવિચંદ્રન અશ્વિનનું પર્ફોર્મન્સ યાદગાર રહ્યુ હતું. અશ્વીને આ ટેસ્ટમાં બોલિંગ અને બેટીંગ બંને ડિપાર્ટમેન્ટમાં બેસ્ટ પર્ફોર્મન્સ આપ્યુ હતું. અશ્વિને પહેલી ઈનિંગમાં 5 વિકેટ હાંસલ કરી અને સાથે સાથે બીજી ઈનિંગમાં 106 રનની શાનદાર ઈનિંગ રમી હતી તેમજ ઈંગ્લેન્ડની બીજી ઈનિંગમાં અશ્વિને 3 વિકેટ પણ ખેરવી હતી.