અમદાવાદ / લ્યો આ ભાવવધારો તો બાકી જ રહી ગયો'તો, ઘરની બહાર નીકળવું જ થઈ જશે મુશ્કેલ, AMC લઈ શકે છે મોટો નિર્ણય

• અમદાવાદીઓ માટે સૌથી મોટા સમાચાર
• BRTS-AMTSના ભાડામાં થઇ શકે છે વધારો
• મનપાના હોદ્દેદારો અને અધિકારીઓની બેઠક

અમદાવાદીઓ માટે સૌથી મોટા સમાચાર

અમદાવાદીઓ માટે સૌથી મોટા સમાચાર સામે આવી રહ્યાં છે. આંતરરાષ્ટ્રીય સ્તરે ક્રૂડ ઓઈલ તેમજ ગેસના ભાવમાં વધારો થતાં હવે આજે મનપાના હોદ્દેદારો અને અધિકારીઓની બેઠક યોજાનારી છે. જેમાં BRTS-AMTSના ભાડામાં વધારો થઈ શકે છે. 

ક્રૂડ ઓઈલના ભાવમાં વધારો થતાં પેટ્રોલ-ડીઝલના ભાવ આસમાને 

ઉલ્લેખનીય છે કે, છેલ્લા કેટલાક દિવસોથી ક્રૂડ ઓઈલના ભાવમાં થઈ રહેલા સતત ભાવ વધારાના કારણે પેટ્રોલ-ડીઝલના ભાવ આસમાને પહોંચી ગયા છે. ત્યારે રાજ્યમાં આજે પણ પેટ્રોલ-ડીઝલના ભાવમાં વધારો કરવામાં આવ્યો છે. આજે પેટ્રોલમાં 80 પૈસા, ડીઝલમાં 72 પૈસાનો વધારો થયો છે 

છેલ્લા 8 દિવસમાં પેટ્રોલમાં 4.72, ડીઝલમાં 4.93 રૂપિયાનો વધારો કરાયો 

હવે રાજ્યમાં પેટ્રોલનો નવો ભાવ 99.91 અને ડીઝલનો નવો ભાવ 94.48 થઈ ગયો છે. મહત્વનું છે કે છેલ્લા 8 દિવસમાં પેટ્રોલમાં 4.72, ડીઝલમાં 4.93 રૂપિયાનો વધારો ઝીંકી દેવામાં આવ્યો છે. જો યુક્રેન-રશિયાનું યુદ્ધ ચાલતું જ રહ્યું તો આગામી દિવસોમાં પેટ્રોલ-ડીઝલના ભાવ સામાન્ય લોકો માટે માથાનો દુખાવો બની શકે છે.

BRTS-AMTSના ભાડામાં થઇ શકે છે વધારો 

ત્યારે આજે મનપાના હોદ્દેદારો અને અધિકારીઓની બેઠક યોજાનાર છે. જેમાં પેટ્રોલ-ડીઝલ અને ગેસના ભાવ વધારા અંગે ચર્ચા કરવામાં આવશે તેમજ BRTS-AMTSના ભાડામાં વધારો કરવાનો નિર્ણય લઈ શકે છે.