દિગ્દર્શક પ્રકાશ ઝાની લોકપ્રિય વેબ સિરીઝ 'આશ્રમ 3' આજે એમએક્સ પ્લેયર પર રિલીઝ થઈ ગઈ છે. આ સાથે જ હવે બોબીએ આ સીરિઝના ચોથા ભાગની એક ઝલક ફેન્સ સાથે શેર કરી છે.
બોબી દેઓલે પોતાના ઇન્સ્તાગ્રામ એકાઉન્ટમાં શેર કર્યું આશ્રમ 4 નું ટીઝર
'તમે ભગવાનની ધરપકડ કેવી રીતે કરી શકો છો' બાબા નિરાલા
ત્રિધા ચૌધરી, અનુરિતા ઝા અને અદિતિ પોહાંકર પણ લીડ રોલમાં
આશ્રમ 4 નું ટીઝર લોન્ચ
આજે એટલે કે શુક્રવારે પ્રકાશ ઝાની હિટ વેબ સિરીઝ 'આશ્રમ' (આશ્રમ 3)ની સિઝન એમએક્સ પ્લેયર પર રિલીઝ થઇ છે. પહેલા બે ભાગની જેમ આ સીઝન પણ લોકોને ખુબ જ પસંદ આવી રહી છે. બોબી દેઓલ ફરી એકવાર 'બાબા નિરાલા' બનીને ફેન્સનો ફેવરિટ બની ગયો છે. હવે 'આશ્રમ 3' રિલીઝ થવાની સાથે જ સિરીઝના આગલાં ભાગની ઝલક પણ જોવા મળી રહી છે. બોબી દેઓલે તાજેતરમાં જ 'આશ્રમ 4' નું ટીઝર ચાહકો સાથે શેર કર્યું છે. હવે સ્પષ્ટ થઈ ગયું છે કે ટૂંક સમયમાં જ 'આશ્રમ'નો આગલો ભાગ દર્શકોની વચ્ચે આવવાનો છે.
એક મીનીટમાં જોવા મળી બાબા ની દમદાર સ્ટાઇલ
બોબીએ 'આશ્રમ'ની ચોથી સિઝનનું ટીઝર પોતાના ઇન્સ્ટાગ્રામ એકાઉન્ટ પર શેર કર્યું છે. આ ટીઝરની શરૂઆત 'બાબા નિરાલા' એટલે કે બોબી દેઓલથી થાય છે. એક મિનિટમાં બાબાની દમદાર સ્ટાઇલ ફરી એકવાર જોવા મળી રહી છે. લોકોની ભીડ બાબાના નામને લઈને નારા લગાવી રહી છે. ટીઝરમાં બાબા નિરાલા કહે છે, "હું ભગવાન છું, તમારા કાનુંનથી પણ ઉપર મેં સ્વર્ગ બનાવ્યું છે. તમે ભગવાનની ધરપકડ કેવી રીતે કરી શકો છો." પમ્મી રેસલર 'આશ્રમ'ની આગલી સિઝનમાં પણ જોવા મળશે.
ફેન્સનો ઉત્સાહ વધ્યો
'આશ્રમ 3'નું ટીઝર શેર કરતી વખતે બોબીએ કેપ્શન લખ્યું હતું કે, "બાબા અંતર્યામી છે. તમારા મનની વાતો જાણો છે. એટલે જ 'આશ્રમ 4'ની ઝલક લઇને આવ્યા છીએ. એમએક્સ પ્લેયર પર.' ટીઝરની સાથે જ આશ્રમને લઇને ફેન્સનો ઉત્સાહ પણ વધી રહ્યો છે. ટીઝર પર ફેન્સ સતત પોતાની પ્રતિક્રિયા આપી રહ્યા છે. સાથે જ 'આશ્રમ 3'ની વાત કરીએ તો આ વખતે એશા ગુપ્તા પણ બોબી દેઓલ સાથે જોવા મળી હતી. ત્રિધા ચૌધરી, અનુરિતા ઝા અને અદિતિ પોહાંકર પણ લીડ રોલમાં છે.