મોટી કાર્યવાહી / મોતનો નશો ! ભારતમાં ડ્રગ્સ ઘૂસાડવાનો કારસો, મધ દરિયેથી 2000 કરોડનું ડ્રગ્સ ઝડપાતા ખળભળાટ

• ભારતમાં મોટાપાયે ડ્રગ્સ ઘૂસાડવાનો કારસો
• મધ દરિયેથી 2000 કરોડનું ડ્રગ્સ ઝડપી પાડતા ખળભળાટ
• ઈન્ડીયન નેવીએ NCBની મદદથી પાર પાડ્યું બીગ ઓપરેશન

ભારતમાં મોટાપાયે ડ્રગ્સ ઘુસાડીને યુવાનોને નશાની લતમાં ચડાવી દેવા ઈન્ટરનેશનલ સ્તરે મોટું ષડયંત્ર રચાઈ રહ્યું છે. ઈન્ડીયન નેવીએ NCBની મદદથી મધ દરિયેથી 2000 કરોડનું ડ્રગ્સ ઝડપી પાડતા ખળભળાટ મચ્યો છે. ઈન્ડીન નેવીના પ્રવક્તાએ જણાવ્યું કે મધદરિયે એક મોટું ઓપરેશન પાર પાડવામાં આવ્યું હતું, એન્ટી ડ્રગ્સ એજન્સી એનસીબીએ ઈન્ડીયન નેવીની સહાયથી મધદરિયે ઓપરેશન પાર પાડીને 2000 કરોડનું ડ્રગ્સ ઝડપી પાડ્યું હતું. 

Catch estimated worth ₹ 2000 Cr. #IndianNavy remains committed to tackling the scourge of narcotics proliferation (2/2).

#AntiNarcoticsOperation#HarKaamDeshKeNaam#Safeseas #GoodOrderAtSea@DDIndialive@drajaykumar_ias @HQ_IDS_India @HMOIndia @PMOIndia

— SpokespersonNavy (@indiannavy) February 12, 2022

પાન-ઇન્ડિયા ડ્રગ સિન્ડિકેટનો પર્દાફાશ

નાર્કોટિક્સ કંટ્રોલ બ્યુરો (એનસીબી)એ એક ખૂબ જ મોટી પાન-ઇન્ડિયા ડ્રગ સિન્ડિકેટનો પર્દાફાશ કર્યો છે. આ સિન્ડિકેટ ઘણા દેશો સાથે સંકળાયેલી છે. જુદા જુદા રાજ્યોમાં દરોડા પાડવામાં આવ્યા છે અને ૨૨ આરોપીઓની ધરપકડ કરવામાં આવી છે. ઘણી છોકરીઓ પણ પકડાઈ છે. ડ્રગ્સની રિકવરી માટે એનડીઆરએફના ડાઇવર્સને પણ કામે લગાડવામાં આવ્યા છે. ખૂબ જ અનોખી રીતે ડ્રગ્સનો જથ્થો ઘરો સુધી પહોંચી રહ્યો હતો.

529 કિલો શુદ્ધ હશીશ અને કેટલીક માત્રામાં હેરોઈન જપ્ત 

ઈન્ડીયન નેવી દ્વારા બહાર પાડવામાં આવેલી પ્રેસ નોટમાં એવું જણાવાયું કે 
એનસીબીના અધિકારીઓએ ઈન્ડીયન નેવીની મદદથી 529 કિલો શુદ્ધ હશીશ અને કેટલીક માત્રામાં હેરોઈન ઝડપ્યું છે. આંતરરાષ્ટ્રીય બજારમાં આ ડ્રગ્સની કિંમત 2000 કરોડ થવા જાય છે. તેમણે કહ્યું કે એનસીબીને બાતમી મળી હતી કે મોટાપાયે દરિયાઈ માર્ગે ડ્રગ્સ ઘુસાડવામાં આવી રહ્યું છે. બાતમી મળતા સંયુક્ત ઓપરેશન શરુ કરવામાં આવ્યું હતું. 

2000 કરોડનું ડ્રગ્સ ક્યાંથી આવ્યું
2000 કરોડમાં ડ્રગ્સ ઝડપાયા બાદ સવાલ ઉઠવા લાગ્યા છે કે આટલી મોટી ખેપ ક્યાંથી આવી અને કોણે મોકલી. એજન્સીઓ હાલમાં તપાસમાં લાગી છે.