ફિનો પેમેન્ટ્સ બેંક દ્વારા એક નવી સેવા શરૂ કરવામાં આવી છે જેના દ્વારા કોઈ પણ લોકો થોડા કલાકોમાં ડિજિટલ પાન કાર્ડ મેળવી શકે છે
થોડા કલાકોમાં ડિજિટલ પાન કાર્ડ મેળવી શકાય
PAN સર્વિસ એજન્સી (PCA) તરીકે કામ કરનારી પહેલી પેમેન્ટ બેંક
પાન કાર્ડ કેવી રીતે મેળવવું?
આપણે બધા જાણીએ છીએ કે આધાર કાર્ડની જેમ PAN કાર્ડ પણ એક મહત્વપૂર્ણ દસ્તાવેજ છે. PAN કાર્ડનો ઉપયોગ બેંક ખાતું ખોલાવવાથી લઈને બીજી ઘણી જગ્યાઓ પર થાય છે. જણાવી દઈએ કે આપણા પાન કાર્ડનો રેકોર્ડ આવકવેરા વિભાગ પાસે રહે છે. આવકવેરા વિભાગ એ છે જે લોકોની નાણાકીય માહિતી પર નજર રાખે છે અને પાન કાર્ડ જેવા દસ્તાવેજની ગેરહાજરીમાં તમે ઘણી સરકારી યોજનાઓના લાભોથી પણ વંચિત રહી શકો છો.
થોડા કલાકોમાં ડિજિટલ પાન કાર્ડ મેળવી શકાય
તમને જણાવી દઈએ કે ફિનો પેમેન્ટ્સ બેંક દ્વારા એક નવી સેવા શરૂ કરવામાં આવી છે જેના દ્વારા કોઈ પણ લોકો થોડા કલાકોમાં ડિજિટલ પાન કાર્ડ મેળવી શકે છે અને એ મેળવવા માટે ફક્ત ઓથેન્ટિકેશનની જરૂર પડે છે. ફિનો પેમેન્ટ્સ બેંકે ભારતમાં ખાસ કરીને ગ્રામીણ વિસ્તારોમાં PAN કાર્ડ જારી કરવાની સેવાઓને વિસ્તારવા માટે Protean eGov Technologies (NSDL e-Governance Infrastructure Limited) સાથે કરાર કર્યો છે.
PAN સર્વિસ એજન્સી (PCA) તરીકે કામ કરનારી પહેલી પેમેન્ટ બેંક
આ વિશે ફિનો બેંકે તેના એક નિવેદનમાં જણાવ્યું હતું કે ટાઈ-અપ પ્રોટીયનને ફિનો બેંકના 12.2 લાખથી વધુ મર્ચન્ટ પોઈન્ટ્સના વર્ચ્યુઅલ નેટવર્ક દ્વારા દેશના અન્ય ભાગોમાં તેની પહોંચને વિસ્તારવાની મંજૂરી મળશે અને આ કરારથી ફિનો પ્રોટીનની PAN સર્વિસ એજન્સી (PCA) તરીકે કામ કરનારી પહેલી પેમેન્ટ બેંક બની છે.
પાન કાર્ડ કેવી રીતે મેળવવું?
જણાવી દઈએ કે ફિનો બેંક સેન્ટરની મદદથી આધાર ઓથેન્ટિકેશન પછી કોઈપણ યુઝર પાન કાર્ડ મેળવી શકે છે અને આ માટે બીજા કોઈ પણ અલગ દસ્તાવેજ સબમિટ કરવાની જરૂર રહેશે નહીં. આ સિવાય યુઝર્સને ડિજિટલ અને ફિઝિકલ સ્વરૂપમાં પાન કાર્ડ પસંદ કરવાનો વિકલ્પ પણ આપવામાં આવશે. ફિનો બેંકે જણાવ્યું હતું કે PAN કાર્ડ અથવા e-PANનું ડિજિટલ વર્ઝન અરજી કર્યાના થોડા કલાકોમાં યુઝર્સના ઈમેલ આઈડી પર મોકલવામાં આવશે.
4 થી 5 દિવસમાં ઘરે આવી જશે PAN કાર્ડ
આપણે બધા જાણીએ છીએ કે ઈ-પાન કાર્ડ ફિઝિકલ પાન કાર્ડની જેમ જ માન્ય છે અને તેનો ઉપયોગ દરેક જગ્યાએ થઈ શકે છે તેમ છતાં પણ જો કોઈને ફિઝિકલ પાન કાર્ડ જોઈએ છે તો ફિનો બેંકની આ સેવા પાન કાર્ડની મદદથી 4 થી 5 દિવસમાં તમારા આધાર સરનામા પર PAN કાર્ડ મોકલી આપવામાં આવે છે.