રાહતનો સંકેત / પેટ્રોલ-ડીઝલના ભાવમાં હજુ પણ ઘટાડાની સંભાવના, લેવાઈ શકે છે આ મોટો નિર્ણય

• રાજ્યો પેટ્રોલ અને ડીઝલનો વેટ ઘટાડવા તૈયાર
• વેટ ઘટતા પેટ્રોલ-ડીઝલના ભાવમાં હજુ પણ ઘટાડો આવશે
• કેન્દ્રની રાહત બાદ રાજ્ય સરકારો પણ રાહત આપવાની તૈયારીમાં 

કેન્દ્ર સરકારે પેટ્રોલની એક્સાઈઝ ડ્યુટીમાં 5 રુપિયા અને ડીઝલમાં 10 રુપિયાનો ઘટાડો કરી દેતા હવે રાજ્ય સરકારોએ પણ ભાવ ઘટાડવાની દિશામાં સક્રિય વિચારણા શરુ કરી હોવાનું જણાવાઈ રહ્યું છે. 

રાજ્ય સરકારો પેટ્રોલ અને ડીઝલ પરનો વેટ ઘટાડવા તૈયાર 
રાજ્ય સરકારોએ પેટ્રોલ અને ડીઝલ પરનો વેટ ઘટાડવાનો સંકેત આપ્યો છે. જો આવું થાય તો પેટ્રોલ અને ડીઝલના ભાવમાં પણ રાજ્ય પ્રમાણે ઘટાડો આવી શકે છે જે જનતા માટે મોટી રાહત પુરવાર થશે. સૂત્રોએ જણાવ્યું કે દિવાળી પછી ગમે ત્યારે રાજ્યો પોતપોતાની રીતે વેટમાં ઘટાડો કરી શકે છે. કર્ણાટકના મુખ્યમંત્રી તો અગાઉ પણ કહી ચૂક્યા છે તેઓ વેટમા ઘટાડો કરવા તૈયાર છે.

કેન્દ્ર સરકારે પેટ્રોલ અને ડીઝલની એક્સાઈઝ ડ્યુટી ઘટાડી 

કેન્દ્ર સરકારે પેટ્રોલ પરની એક્સાઈઝ ડ્યુટીમાં 5 રુપિયા અને ડીઝલની એક્સાઈઝ ડ્યુટીમાં 10 રુપિયાનો ઘટાડાનો નિર્ણય લીધો છે. પેટ્રોલ અને ડીઝલની મોંઘવારીનો માર સહન કરી રહેલા લોકોને એક મોટી રાહત આપતા કેન્દ્ર સરકારે પેટ્રોલ અને ડીઝલ પરની એક્સાઈઝ ડ્યુટીમાં મોટો ઘટાડો કરતા પેટ્રોલમાં 5 રુપિયા અને ડીઝલમાં 10 રુપિયા સસ્તું થયું છે. 

દિવાળીની પૂર્વસંધ્યાએ ભારત સરકારે પેટ્રોલ અને ડીઝલ પરની એક્સાઈઝ ડ્યુટીમાં ઘટાડાની જાહેરાત કરી છે. પેટ્રોલ અને ડીઝલ પર એક્સાઈઝ ડ્યુટી ગુરુવારથી ક્રમશ 5 રુપિયા અને 10 રુપિયા ઘટી જશે. પેટ્રોલની તુલનામાં ડીઝલ પરની એક્સાઈઝ ડ્યુટીમાં ઘટાડો બમણો હશે. ડીઝલના 10 રુપિયાના ઘટાડાને કારણે આગામી રવિ સિઝનમાં ખેડૂતોને મોટો ફાયદો થશે.