રાજ્યમાં હવામાન વિભાગે આગાહી કરતા જણાવ્યું છે કે લો પ્રેશનર સક્રિય થતા કેટલાક વિસ્તારોમાં હળવાથી ભારે વરસાદ પડી શકે
રાજ્યમાં 3 દિવસ હળવોથી મધ્યમ વરસાદ રહેશે
ગુજરાતમાં 31 જુલાઈ બાદ ભારે વરસાદની આગાહી
મધ્ય ગુજરાતમાં વરસાદી ઝાપટાની શકયતા
હવામાન વિભાગે રાજ્યમાં આજથી 3 દિવસ હળવાથી મધ્યમ વરસાદની આગાહી કરી છે. લો પ્રેશર સક્રિય થતા ગુજરાતમાં ફરી વરસાદની સંભાવના સેવાઈ રહી છે. જો કે હવામાન વિભાગે 31 મી જુલાઈ બાદ સમગ્ર રાજ્યમાં ભારે વરસાદની આગાહી કરી છે. રાજ્યમાં હવામાન વિભાગે આગાહી કરતા જણાવ્યું છે કે લો પ્રેશનર સક્રિય થતા કેટલાક વિસ્તારોમાં ભારે વરસાદ પડી શકે છે.
રાજ્યમાં 3 દિવસ હળવોથી મધ્યમ વરસાદ રહેશે
સૌરાષ્ટ્ર, દક્ષિણ ગુજરાત તેમજ ઉત્તર ગુજરાત સહિતના વિસ્તારોમાં હવામાન વિભાગે ભારે વરસાદની આગાહી કરી છે જ્યારે પોરબંદર, ગીર સોમનાથ, નવસારી, વલસાડ સહિત પથંકમભારે વરસાદ પડી શકે છે તેવું હવામાન વિભાગે જણાવ્યું છે, આ તરફ અમદાવાદ, ગાંધીનગર, સુરત, વડોદરા, રાજકોટ, તેમજ દીવ દમણ, અને દાદરાનગર હવેલીમાં પણ સારો એવો વરસાદ પડી શકે છે.
રાજ્યમના મોટા શહેરમાં સામાન્ય વરસાદની આગાહી
રાજ્યમાં સામાન્ય વરસાદની સ્થિતિ રહેશે તેમ હવામાન વિભાગે જણાવ્યું છે ગુજરાતમાં 31 જુલાઈ બાદ ભારે વરસાદની આગાહી કરવામાં આવી છે દક્ષિણ ગુજરાત અને મધ્ય ગુજરાતમાં છુટો છવાયો વરસાદ પડી શકે છે. સાથે અમદાવાદ સહિતના મોટા શહેરોમાં હળવાથી મધ્યમ વરસાદ વરસી શકે છે.
31 જુલાઈથી 2 દિવસ પડી શકે છે ભારે વરસાદ
જો કે હજુ સુધી રાજ્યમાં મોસમનો 33 ટકા જ વરસાદ નોંધાયો છે જ્યારે સિઝનનો સૌથી વધુ વરસાદ વલસાડમાં 33.70 ટકા વરસાદ નોંધાયો છે. રાજ્યમાં ગયા વર્ષે 26 જુલાઈ સુધીમાં 13 ઈંચ સાથે સિઝનો સરેરાશ 36.66 ટકા વરસાદ નોંધાયો હતો. જો કે ગયા વર્ષની તુલનાએ આ વર્ષે વરસાદનું પ્રમાણ સામાન્ય જણાઈ રહ્યું છે.
મધ્ય ગુજરાતમાં વરસાદી ઝાપટાની શકયતા
રાજ્યમાં અત્યાર સુધી દક્ષિમ ગુજરાતમાં 20.23 ઈંચ સાથે સિઝનનો સૌથી વધુ 35.19 ટકા, કચ્છમાં 5.27 ઈંચ સાથે 30.25 ટકા, ઉત્તર ગુજરાતમાં 7.95 ઈંચ સાથે મોસમનો 28.16 ટકા, પૂર્વ-મધ્ય ગુજરાતમાં 30.56 ઈંચ સાથે સિઝનનો 30.08 ટકા, સૌરાષ્ટ્રમાં 8.77 ઈંચ સાથે સિઝનનો 31.89 ટકા વરસાદ નોંધાયો છે.
સિઝનો સરેરાશ 36.66 ટકા વરસાદ
રાજ્યના 25 તાલુકામાં 20થી 40 ઈંચ, 88 તાલુકામાં 10થી 20 ઈંચ, 96 તાલુકામાં 5 થી 10 ઈંચ અને 39 તાલુકામાં 2 થી 5 ઈંચ વરસાદ નોંધાયો છે. અમદાવાદ જિલ્લામાં અત્યાર સુધીમાં 7.36 ઈંચ સાથે સિઝનનો 28.08 ટકા વરસાદ પડ્યો છે.
આજથી દક્ષિણ ગુજરાતમાં સામાન્ય વરસાદ પડી શકે
શહેરમાં ગયા વર્ષમાં આ મહિનાની સરખામણીએ 10.27 ઈંચ સાથે સિઝનનો 37.27 ટકા વરસાદ નોંધાઈ ચુક્યો હતો. ત્યારે હવામાન વિભાગે ગીર સોમનાથ, જામનગર, પોરબંદર, ભાવનગર સહિતના પંથકમાં વરસાદની આગાહી કરાઈ છે. 29 જુલાઈએ રાજ્યમાં કેટલાક વિસ્તારોમાં વરસાદની પણ સંભવનાઓ વ્યક્ત કરવામાં આવી છે.